Zabur 68:8 - Hodáay Pákén Ketáb Balochi zobáná

⁸ zemin larzet o ásmánán hawr gwart, Hodáay bárgáhá, Sináay kóhay yakdánagén Hodáay, Hodáay bárgáhá, Esráilay Hodáay.

Zabur 68:8 ပူးပေါင်းရင်းမြစ်များ

Zabur 114:7

Belarz, oo zemin! Hodáwanday bárgáhá, Ákubay Hodáay bárgáhá.

Zabur 41:13

Hodáwandá satá bát, Esráilay Hodáyá, cha azal tán abad. Anchosh bát. Ámin.

Zabur 68:35

Oo Hodá! Taw wati pákén jágahá bákamál ay, Esráilay Hodá wati kawmá zór o wáka bakshit. Hodáyá satá o saná bát.

Zabur 77:18

Tai granday tawár danz o gwátáni tahá at, tai nurá jahán róshná kort, zemin larzet o jombet.

Dargwaz 13:18

Hodáyá mahluk cha gyábánay ráhá gardénán kort o dém pa Sohrzerá bort. Esráili ke cha Mesrá dar átkant, selahband atant.

Dargwaz 19:16

Chó but ke sayomi róchay sohbá grand o gerók but o kóhay sará bazén jambaré záher but o karnáay anchén trondén tawáré chest but ke ordgáhay sajjahén mardom cha torsá larzetant.

Dargwaz 19:18

Sináay kóh duttéá mán póshetagat, chéá ke Hodáwand áséay tahá kóhay sará ér átkagat o é ásay dutt chó kurahay duttá chest atant o sarjamén kóh sakk larzagá at.

Elhám 11:19

Padá Hodáay parasteshgáh arshá pach kanag but o Hodáay ahd o karáray péti, áiay parasteshgáhay tahá gendag but. Geróki shahm, borzén tawár o grand atant, zeminchandh o sakk báz tróngal but.