Zabur 68:5 - Hodáay Pákén Ketáb Balochi zobáná

⁵ Hodá wati pákén bárgáhá chórhawáni pet ent o janózámáni dádras.

Zabur 68:5 ပူးပေါင်းရင်းမြစ်များ

Zabur 10:14

Bale albat taw genday. Sakki o sóriána genday, tán kár o ehtiárá wati dastá bedáray. Bazzag o béchárag watá tai sepordaga kanant, chórawáni madat kanók taw ay.

Zabur 10:18

Chóraw o setam distagénáni dadrasiá kanay tánke é hákién ensán dega baré tors o dehshat maperrénit.

Zabur 118:19

Adl o rástiay darwázagán pa man pach kan, ke bepoterán o Hodáwanday shográ begerán.

Zabur 146:9

Hodáwand darámadáni negahpániá kant o chóraw o janózámáni hayálá dárit, bale badkáráni ráhá chapp o chótha kant.

Zabur 150:6

Har chizzá ke sáh mán, Hodáwandá satá bekanát. Hodáwandá benázénét, Halléluyá.

Zabur 33:14

cha wati bádsháhi tahtá zeminay sajjahén jahmenendána chárit,

Zabur 72:2

tánke á pa ensáp tai kawmay sará dádrasi bekant, setam distagénáni sará pa adl.

Zabur 72:4

Bádsháh kawmay setam distagénáni hakká bedayát, mohtájáni chokkán berakkénát o setamgerán tabáh kanát.

Dargwaz 3:15

Hodáyá gón Mussáyá é ham gwasht: “Gón Bani Esráilá begwash ke ‘Yahweh’, bezán shomay bonpirokáni Hodá, Ebráhémay Hodá, Esákay Hodá o Ákubay Hodáyá maná shomay kerrá ráh dátag. Tán abad mani nám hamesh ent o man nasláni nasl hamé námá yát kanaga bán.