Zabur 63:1 - Hodáay Pákén Ketáb Balochi zobáná

¹ Oo Hodá! Mani Hodá taw ay, gón wati sajjahén del o jáná tai shóházá án, arwáhon tai tonnig ent o jesm o jánon tai hodónák, béáp o hoshkén zeminéá.

Zabur 63:1 ပူးပေါင်းရင်းမြစ်များ

Zabur 118:28

Taw mani Hodá ay, tai shográ gerán. Taw mani Hodá ay, tará názénán.

Zabur 119:81

Mani arwáh pa hamá nejátá talwasit ke cha tai némagá ent, man wati óst o omét gón tai habará bastag.

Zabur 143:10

Maná tálim beday ke tai razáay sará kár bekanán, chéá ke taw mani Hodá ay, tai nékén Ruh tachkén ráhá mani rahshón bát.

Zabur 143:6

Wati dastán tai némagá shahárán, man pa taw tonnig án, chó hoshkén dhagáréá. Ósht...

Zabur 31:14

Bale oo Hodáwand! Man tai sará tawkala kanán o gwashán ke “taw mani Hodá ay.”

Zabur 42:11

Oo mani arwáh! Chiá gimmortagay? Chiá mani del o daruná paréshán ay? Óst o omét Hodáay sará bekan, chiá ke nóksará hamáiá názénán, wati rakkénók o wati Hodáyá.

Zabur 5:3

Oo Hodáwand! Bámgwáhán taw mani tawárá eshkonay, bámgwáhán, gón dazbandi wati wáhagán pésha kanán o wadáriga bán.

Zabur 78:34

Hodáyá ke áyáni koshag bendát kort, nun áiay shóházá dar kaptant. Dém pa Hodáyá per tarretant o pa setk o del Hodáay shóházá butant.

Zabur 84:2

Mani arwáh pa Hodáwanday parasteshgáhay péshjáhán shaydá o hodók ent, mani del o ján pa zendagén Hodáyá pa shádehi kukkára kant.

Zabur 91:2

Hodáwanday bárawá gwashán: “Hamá mani panáh o kalát ent, mani Hodá, ke hamáiay sará tawkala kanán.”

Dargwaz 15:2

Hodáwand mani zór o wák o mani názénk ent. Hodáwand pa man nejáté but. Mani Hodá ent, mana názénáni. Mani petay Hodá ent o man áiá satá o saná kanán.

Dargwaz 17:3

Bale mardom ódá tonnig atant, áyán Mussáay sará norondhet o gwasht: “Taw chéá márá cha Mesrá dar kort o áwort? Ke márá o may chokkán o mál o dalwatán cha tonná bekoshay?”

Mattá 12:43

Wahdé jenné cha kaséá dara kayt, gorhá gyábánána rawt tán pa wati árámi o ásudagiá, jáhé shóház bekant, bale choshén jágahé narasiti.

Mattá 6:33

Cha har chizzá pésar, Hodáay bádsháhi o áiay rástén ráhay shóházá bebét, é sajjahén wat shomárá dayaga bant.

Yuhanná 20:17

Issáyá gwasht: “Maná dast majan, chéá ke angat Petay kerrá borzád nashotagán, bale mani brátáni kerrá beraw o áyán begwash ke nun man dém pa wati Petá o shomay Petá, wati Hodáyá o shomay Hodáyá borzáda rawán.”

Yuhanná 7:37

Aiday áheri o masterén róchá, Issá óshtát o pa borztawári gwashti: “Agan kasé tonnig ent, mani kerrá byayt o áp bwárt.