Zabur 62:4 - Hodáay Pákén Ketáb Balochi zobáná

⁴ Albat pandala sázant ke áiá cha borzád sarshakun bekanant. Cha dróg bandagá lezzata barant, gón wati dapá barkata dayant, bale delay tahá nálata kanant. Ósht...

Zabur 62:4 ပူးပေါင်းရင်းမြစ်များ

Zabur 119:163

Cha repk o prébá naprata kanán, tai Sharyatá dósta dárán.

Zabur 28:3

Maná badkáráni hamráhiá gerrán makan o makassh, hamá ke radén kára kanant o gón hamsáhegán cha sohl o saláhá habará ant, bale delesh cha sherr o shórá porr ent.

Zabur 5:9

Chiá ke rásti áyáni zobáná nést o del o darunesh tabáhi ent o bass. Gotth o galuesh práhén kabré o wati zobáná pa cháplusi kára bandant.

Zabur 51:6

Nun deljam án ke taw cha mani del o jabiná rástiay lóthók ay o chér o panáhén daruná maná hekmata bakshay.

Zabur 52:3

Tará badi cha nékiá dóster ent o dróg cha rástiá. Ósht...

Zabur 55:21

Zobáni chó thélá charp at bale deli jangig, dapay habari cha rógená narmter, bale kasshetagén zahm atant.

Mattá 2:16

Wahdé Hirudis sahig but ke nojumián á rad dátag, báz zahr gept. Parmáni dát: “Bayt-Lahem o kerr o gwaray do sálig yá kasterén sajjahén mardénchokk koshag bebant.” Anchosh ke áiá pésará nojumi jost o pors kortagatant, hamá hesábá é wahdi gisshént.

Mattá 22:15

Hamé wahdá Parisi shotant o anchén pandal o repké kortesh ke Issáyá chón cha áiay jenday habarán mán begisshénant o dámá dawr bedayant.

Mattá 22:23

Randá, lahtén Saduki ke áheratay namannók ant, Issáay kerrá átk o jostesh kort:

Mattá 27:1

Sabáhá máhallah, sajjahén mazanén dini péshwá o kawmay kamásh Issáay kóshá hamshawr butant.

Luká 11:39

Gorhá Hodáwandén Issáyá dém gón áiá kort o gwashti: “Shomá Parisi, pyálah o darpáni dhanni némagá sáp o sallaha kanét, bale shomay darun cha lálech o tamáh o radén kárán porr ent.

Luká 20:20

Gorhá Issáesh chammáni chérá kort, wati chárig o jásusesh rawán dátant tán watá Issáay démá tachk o pahrézkárén mardom pésh bedárant. Áyáni maksad esh at ke Issáyá cha áiay jenday habarán mán begisshénant o Rumay wáliay dastá bedayant.

Yuhanná 8:44

Shomá wati pet, bezán Eblisay chokk ét o hamáiay morád o wáhagáni sará kár kanaga lóthét. Á cha bendátá hónigé o cha rástiá dur ent, chéá ke áiá hecch rásti mán nést. Wahdé dróga bandit, wati jenday delay habará kant, chéá ke drógbandé o drógáni pet ent.

Pulosay kágad pa Rumián 1:32

Harchont á cha Hodáay hokmá sahig ant ke choshén káráni kanók markay láhek ant, bale angat na tahná wat á kárána kanant, degaráni ham choshén káráni poshta bant.

Pulosay kágad pa Rumián 7:22

Wati del o daruná, cha Hodáay Sharyatá shádán án,

Elhám 22:15

Bale kochekk, jáduger, zenahkár, hónig, botparast o harkas ke dróga bandit o gón drógá mehra kant, é sajjahén cha shahrá dhanna bant.