Zabur 62:1 - Hodáay Pákén Ketáb Balochi zobáná

¹ Mani arwáh pa émeni tahná Hodáay rahchár ent, chiá ke mani rakkénag cha hamáiay némagá ent.

Zabur 62:1 ပူးပေါင်းရင်းမြစ်များ

Zabur 121:2

Maná komakk cha Hodáwandá rasit, hamá ke ásmán o zemini addh kortagant.

Zabur 123:2

Anchó ke goláméay chamm wati wájahay dastá sakk ant o móledéay chamm wati bánoká may chamm Hodáwandén Hodáyá sakk ant ke may sará rahm bekant.

Zabur 25:5

Dém pa wati rástiá maná rahshón bay o sabak beday, chiá ke taw mani rakkénókén Hodá ay o sajjahén róchá tai entezár o wadárá án.

Zabur 27:14

Hodáwanday wadárá bay, zórmand bay o delá dhaddh kan. Haw! Hodáwanday wadárá bay.

Zabur 33:20

May arwáh Hodáwanday wadárá ent, hamá may komak o espar ent.

Zabur 37:39

Pahrézkáráni rakkénók Hodáwand ent o sakkiay wahdá áyáni kalát.

Zabur 37:7

Hodáwanday bárgáhá árám bay o gón ópáré áiay wadárá. Áyáni sawabá jósh majan ke wati ráhá kámrán ant o áyáni sawabá ham ke palitén pandalán kára bandant.

Zabur 39:1

Gwashton ke “pahréza kanán tán gón wati zobáná gonáh makanán. Tán wahdé badkáré mani kerrá ent wati dapá lagáma kanán.”

Zabur 40:1

Gón sabré pa Hodáwandá wadáron kort, démi gón man tarrént o mani peryáti eshkot.

Zabur 62:2

Mani talár o mani rakkénók tahná hamá ent, mani kalát ent, hechbara nalarzán.

Zabur 65:1

Oo Hodá! Sahyuná satá o saná tai wadárá ent, gón taw may kawl puraha bant.

Zabur 77:1

Man Hodáyá tawára kanán o pa komaká hamáiá gwánka janán, mani peryát gón Hodáyá ent o á mani áwázá gósha dárit.

Ákub 5:7

Oo brátán! Tán Hodáwanday áyagá, sabr o ópár kanét. Bechárét ke dehkán che paymá wadára kant tán zemin wati porarzeshén bará beródénit, á pa érahti o bahári hawrán chón wadárig ent.