Zabur 59:13 - Hodáay Pákén Ketáb Balochi zobáná

¹³ eshán wati hezhmay tahá gár o gomsár kan, gár o gomsár kan ke hech pasht makapant, tán zánag bebit ke cha Ákubá beger tán zeminay har kondhá Hodá bádsháhia kant. Ósht...

Zabur 59:13 ပူးပေါင်းရင်းမြစ်များ

Zabur 10:7

Dap o zobáni cha nálat o préb o setamá porr ent, áiay zobánay chérá petnah o sherkáriá kodám bastag.

Zabur 104:35

Bale gonahkár cha zeminá gár o gomsár bátant o badkár pasht makapátant. Hodáwandá benázén, oo mani arwáh! Hodáwandá benázénét, Halléluyá.

Zabur 109:17

Nálat kanagi wassha but, áiay wati sará kapátant. Barkat dayagi wassha nabut, hechbar barkati marasát.

Zabur 59:11

Oo Hodáwand ke may espar ay! Áyán makosh, chosh mabit ke mani kawm beshamóshit. Gón wati zórákiá eshán sargardán kan o ér byár.

Zabur 64:9

Sajjahén bani ádama torsant, Hodáay kárá jára janant o áiay kárá pa hósh o sára chárant.

Zabur 7:9

Oo ádelén Hodá ke del o darunána zánay! Badkáráni sherrián halás kan o pahrézkárán pa del mohr bedár.

Zabur 83:18

Bell bezánant ke tai nám Hodáwand ent o tahná taw, oo borzén arshay Hodá, sajjahén zeminay sará hákemia kanay.

Dányál 4:25

Taw cha ensánán gallénaga bay o jangali jánwaráni darnyámá jahmenenda bay. Tai ward o warák pas o gókáni dhawlá káh o buccha bant o taw cha ásmánay nódán tarra bay. Tán hapt zamánagá taw anchosha bay, tán hamá wahdá ke taw pajjáh byáray ke borzén arshay Hodá ensáni bádsháhiáni sará hokmrán ent o hamá mardomá dantesh ke wata lóthit.