Zabur 58:11 - Hodáay Pákén Ketáb Balochi zobáná

¹¹ Mardoma gwashant: “Albat ke pa pahrézkárá mozzé hast, Hodáé hast ke zeminay sará dádrasia kant.”

Zabur 58:11 ပူးပေါင်းရင်းမြစ်များ

Zabur 107:42

Nékdelesha gendant o shádmánia kanant o har badkár wati dapá banda kant.

Zabur 18:20

Hodáwandá pa mani pahrézkáriá gón man néki kortag, mani dastáni pákiay mozz bakshátag,

Zabur 33:18

Haw! Hodáwanday chamm gón hamáyán ent ke cha áiá torsant, gón hamáyán ke óst o ométesh áiay mehr ent,

Zabur 52:8

Bale man zaytunay sabzén drachkéay paymá án, ke Hodáay lógá sabza bit. Mani tawkal Hodáay mehray sará ent abad tán abad.

Zabur 64:9

Sajjahén bani ádama torsant, Hodáay kárá jára janant o áiay kárá pa hósh o sára chárant.

Zabur 67:4

Kawm shádehi kanátant o shádmániay gwánká bejanátant, chiá ke taw kawmáni sará pa ensáp dádrasia kanay o jahánay kawmáni rahshóna bay. Ósht...

Zabur 68:24

Oo Hodá! Tai jashnay kárwán gendaga bit mani Hodá o mani bádsháhay kárwán mán pákén jágahá.

Zabur 9:16

Hodáwandá watá gón wati adl o ensápá pajjáréntag, badkár cha wati kortagén kárán wat dámá kapant. Zegr... Ósht...

Zabur 9:8

Á wat jaháná gón adlá dádrasia kant, kawmáni sará gón ensápá shawra borrit.

Zabur 94:2

Pád á, oo zeminay dádras! Porkebr o gorunákán sezá day.

Zabur 96:13

Hodáwandá benázénátant, chiá ke á kayt, haw, pa zeminay dadrasiá kayt. Jahánay dadrasiá pa adl o ensápa kant o kawmáni dadrasiá wati rásti o tachkiay hesábá.

Zabur 98:9

Hodáwanday bárgáhá sawt bejanátant, ke á pa zeminay dadrasiá kayt. Á jaháná pa adl dádrasia kant o kawmán pa ensáp.

Pulosay kágad pa Rumián 2:5

Bale taw gón wati nápashómán o sengén delá, pa kahr o gazabay róchá pa wat kahr o gazab ambára kanay, hamá róchá ke Hodáay ádelén dádrasi záhera bit.