Zabur 51:4 - Hodáay Pákén Ketáb Balochi zobáná

⁴ Man tai helápá, tahná tai helápá gonáh kortag o hamá káron kortag ke tai chammá bad ent. Paméshká, taw ke habara kanay barhakk ay o dádrasiay wahdá béayb ay.

Zabur 51:4 ပူးပေါင်းရင်းမြစ်များ

Pédáesh 20:6

Hodáyá gwasht: “Haw! Mana zánán ke taw é kár gón sápén delé kortag o man ham tará naesht ke mani gonahkár bebay, paméshká man tará é janénay dast janagá naesht.

Pédáesh 38:7

bale Hodáwanday chammán Yahudáay awali chokk Hér badkáré at, paméshká Hodáwandá markay dapá dát.

Pédáesh 39:9

É lógá kass cha man master naent. Tai jendá abéd hecch chizzi cha man dur nadáshtag, chéá ke taw áiay lógbánok ay. Gorhá man chón choshén radén káré bekanán o watá Hodáay chammán gonahkár bekanán?”

Pédáesh 9:6

Harkas ensánéay hóná beréchit, áiay hón ham ensánéay dastá réchaga bit, chéá ke Hodáyá ensán wati sheklá addh kortag.

Zabur 50:4

Borzén ásmánán ham gwánka jant o zeminá ham, tánke wati mardománi dadrasiá bekant.

Zabur 50:6

Ásmán áiay adl o rástiá jára janant, chiá ke Hodá wat dádras ent. Ósht...

Luká 15:21

Chokká gwasht: ‘Oo mani pet! Man tai o ásmánay Hodáay gonahkár án o nuna nakarzán ke tai chokk gwashag bebán.’

Luká 7:29

Wahdé Yahyáyá Hodáay paygám áwort, bázén mardomán, songi o máliátgirán ham mannet ke Hodáay kolaw o paygám rást ent, chéá ke á Yahyáay dastá pákshódi dayag butagatant.

Kásedáni Kár 17:31

Chéá ke áiá yakk róché gisshéntag ke á róchá donyáay sajjahén mardománi kortagén kárán gón ensáp dádrasi o dáwaria kant o pa é maksadá yakké gechéni kortag. Hodáyá á paméshká cha mordagán zendag kort ke pa harkasá é habaray rásti pakká bebit.”

Pulosay kágad pa Rumián 2:5

Bale taw gón wati nápashómán o sengén delá, pa kahr o gazabay róchá pa wat kahr o gazab ambára kanay, hamá róchá ke Hodáay ádelén dádrasi záhera bit.

Pulosay kágad pa Rumián 3:4

Hechbar! Bell ke sajjahén mardom drógband bebant, Hodá rástgó ent! Hamá paymá ke nebisag butag: “Paméshká, taw ke habara kanay barhakk ay o dádrasiay wahdá kámyáb.”

Ákub 2:11

Áiá ke gwashtag: “Zená makan,” anchosh ham gwashtagi: “Hón makan.” Nun agan zená makanay bale hón bekanay, taw Sharyat próshtag.

Ákub 2:9

Bale agan park o péré bellét, gonáha kanét o Sharyat ham shomárá hamá dhawlá mayáriga kant ke gonahkárána kant.

Elhám 16:5

Gorhá man eshkot ke ápáni préshtag gwashagá at: “Taw ádel ay, taw ke hastay o butagay, oo Pákén! Chéá ke taw é dádrasi kortagant.

Elhám 19:11

Man dist ke ásmánay dap pach ent o mani démá espétén asp o aspswáré. Aspswáray nám “Wapádár o Rást” at. Pa adl dádrasia kant o pa adl jang ham kant.