Zabur 51:11 - Hodáay Pákén Ketáb Balochi zobáná

¹¹ Maná cha wati bárgáhá dur maperrén o wati Pákén Ruhá cha man pach mager.

Zabur 51:11 ပူးပေါင်းရင်းမြစ်များ

Pédáesh 4:14

maróchi taw maná cha é sarzeminá gallénay. Man cha tai bárgáhá gára bán. Jaháná darpadar o béáráma bán o harkas ke gón man dhikk bwárt, maná koshit.”

Pédáesh 6:3

Nun Hodáwandá gwasht: “Mani arwáh tán abad ensánay jesm o jáná namánit, chéá ke ensán merókén chizzé o cha yakk sad o bist sálá géshter omra nakant.”

Zabur 43:2

chiá ke taw mani kalát ay. Taw parchá maná cha wat dur kortag? Chiá cha dozhmenay ázárá mótk byárán?

Zabur 71:18

Oo Hodá! Nun ke pir án o mud espét ant, maná yalah makan, tán nókén padréchay nyámá tai zóray járá bejanán o sajjahén áyókén naslán cha tai wák o twáná sahig bekanán.

Zabur 71:9

Piriá maná cha watá dur makan, á wahdá ke twánona kotthit, yalahon makan.

Luká 11:13

Nun agan shomá ke radkár ét, angat ham wati chokkán sharrén chizzáni dayagá zánét, gorhá may ásmáni Pet chinkadar shartera zánt ke wati lóthókén chokkán Pákén Ruhá bedant.”

Yuhanná 14:26

Bale shomay posht o panáh hamá Pákén Ruh ent ke Pet áiá mani námay sará déma dant. Pákén Ruh sajjahén chizzán shomárá sója dant o hamá sajjahén habar ke man gón shomá kortagant, shomárá áyáni yátá perrénit.

Pulosay kágad pa Rumián 8:9

Bale shomá gonahkárén sareshtay dastá naét, Ruhay dastá ét, parchá ke Hodáay Ruh shomay delá neshtag. Agan kaséá Masihay Ruh gón mabit, á Masihay naent,

Pa Tesálunikián Pulosay domi kágad 1:9

Esháni sezá esha bit ke abadi tabáhié esháni chakká kapit o hamá róchá cha Hodáwanday bárgáhá o cha áiay zóray shán o shawkatá zebahra bant