Zabur 50:14 - Hodáay Pákén Ketáb Balochi zobáná

¹⁴ Wati shogrgozáriay korbánigá Hodáyá pésh kan o wati kawlá gón borzén arshay Hodáyá purah kan.

Zabur 50:14 ပူးပေါင်းရင်းမြစ်များ

Zabur 147:1

Hodáwandá benázénét, Halléluyá, may Hodáay názénag chón wassh ent o áiay satá kanag delkassh.

Zabur 22:25

Mazanén diwáná mani satá o saná pa taw ent, wati kawlán hamáyáni démá sarjama kanán ke Hodátors ant.

Zabur 22:26

Békebr o darbésh waráka warant o séra bant o á ke Hodáyá shóháza kanant áiá názénant. shomay del tán abad zendag bát.

Zabur 27:6

Nun dozhmenáni angerrá sarperáza bán o gón shádmániáni kukkárá áiay tambuay tahá korbániga kanán, Hodáwandá pa sawt o sáza názénán.

Zabur 50:23

Á kas ke shogrgozáriay korbánigá pésha kant hamá maná shán o shawkata dant, pa wat ráhé tayára kant o man áiá hamá nejátá pésha dárán ke cha mani némagá ent.”

Zabur 56:12

Oo Hodá! Báyad ent gón taw wati kortagén kawlán purah bekanán, pa taw shogrgozáriay korbánigán pésha kanán.

Zabur 61:8

Nun tai námá modám názénán o wati kawlán har róch puraha kanán.

Zabur 65:1

Oo Hodá! Sahyuná satá o saná tai wadárá ent, gón taw may kawl puraha bant.

Zabur 69:32

Békebr o darbésh é chizzá ke begendant gal o shádána bant. Oo Hodáay shóház kanókán! Zendahdel bátét.

Zabur 76:11

Gón wati Hodáwandén Hodáyá kawl bekanét o wati zobánay sará bóshtét, á sajjahén ke kerr o gwarán ant pa hamáiá théki byárant ke bákamál ent.

Zabur 76:12

Á hákemáni gorurána próshit, zeminay bádsháh cha áiá torsant.

Pulosay kágad pa Rumián 12:1

Oo brátán! Mani dazbandi gón shomá esh ent ke gón Hodáay rahmatáni cháragá, wati jesm o jáná chó zendagén korbánigéá pésh bekanét ke pák o palgár ent o Hodáyá pasonda bit. É shomay ruhánién parastesh ent.

Pa Tesálunikián Pulosay awali kágad 5:18

Har paymén jáwaráni tahá Hodáay shográ begerét, chéá ke pa shomá Hodáay razá hamesh ent, shomá ke Issá Masihayg ét.

Petrosay Awal Kágad 2:5

Nun shomá zendagén sengáni paymá pa ruhánién lógéay bandagá kár bandag bebét, pák o palgártagén ruhánién péshwá ham bebét o anchén ruhánién korbánig bedayét ke cha Issá Masihay wasilahá Hodáyá washnóda kanant.

Petrosay Awal Kágad 2:9

Bale shomá Hodáay gechén kortagén bádsháhén ruhánién péshwá o pákén kawm ét, Hodáay jenday kawm ét o áiá shomárá cha taháriá dém pa wati porshawkatén rozhnáiá gwánk jatag tán áiay mazanén kárán jár bejanét.