Zabur 5:12 - Hodáay Pákén Ketáb Balochi zobáná

¹² Allamá, taw, oo Hodáwand, pahrézkárán barkata dayay o áyán gón wati mehr o rahmatá esparay paymá negahpána bay!

Zabur 5:12 ပူးပေါင်းရင်းမြစ်များ

Zabur 112:1

Hodáwandá benázénét, Halléluyá. Bahtáwar ent hamá ke Hodáwanday tors áiay delá ent, hamá ke áiay hokmi sakk báz dósta bant.

Zabur 115:13

Hamáyán barkata dant ke Hodáwanday tors áyáni delá ent, mazanén o kasánénán, yakk paymá.

Zabur 118:15

Pahrézkáráni tambuáni tahá sóbén bayag o shádmániay kukkár ent: “Hodáwanday rástén dastá mazanén káré kortag.

Zabur 119:132

Démá gón man tarrén o mani sará rahm kan, anchosh ke taw modám gón wati námay dóst dárókána kanay.

Zabur 29:11

Hodáwand wati kawmá wák o kodrat bebakshát, Hodáwand wati kawmá gón sohl o émeni barkat bedayát.

Zabur 3:3

Bale taw oo Hodáwand! Wat mani chágerdá espar ay, Mani shán o shawkat ay, maná sarperáza kanay.

Zabur 3:8

Rakkénók Hodáwand ent, tai barkat tai kawmá berasát! Ósht...

Zabur 32:10

Badkáray ranj o azáb báz ant, bale Hodáwanday mehr hamáiay chapp o chágerdá gipt ke Hodáwanday sará tawkala kant.

Zabur 32:7

Taw mani chér bayagay jágah ay, cha sakki o tangián maná émena dáray o gón ázátiay sawt o zémelán gwarambáza kanay. Ósht...

Zabur 68:4

Pa Hodáyá sawt bejanét o áiay námá názénét, pa áiá ke jambarán swár ent satá o sanáay tawárá borz kanét. Áiay nám Hodáwand ent, áiay bárgáhá shádehi kanét.

Zabur 84:11

ke Hodáwandén Hodá róch o esparé, Hodáwand rahmata bakshit o ezzata dant. Hamá ke zendá pa bémayária gwázénit, Hodáwand sharrén chizzán cha áiá dura nadárit.