Zabur 49:15 - Hodáay Pákén Ketáb Balochi zobáná

¹⁵ Bale Hodáwand mani arwáhá cha mordagáni jaháná mókit o maná wati dastá zurit. Ósht...

Zabur 49:15 ပူးပေါင်းရင်းမြစ်များ

Pédáesh 5:24

Hanuká Hodáay ráhá gáma jat o randá kassá nadist, chéá ke Hodáyá Hanuk zendagá zort o bort.

Zabur 31:5

Wati ruh o sáhá tai dastá dayán. Oo Hodáwand, oo wapádárén Hodá! Taw maná rakkénay.

Zabur 56:13

Chiá ke taw, oo Hodá, maná cha marká rakkénay o mani pádán cha lakoshagá dáray, ke zenday rozhná tai bárgáhá gám bejanán.

Zabur 73:24

Gón wati sar o sóján maná rahshónia kanay o randá gón shán o shawkaté zuray.

Zabur 86:13

ke pa man tai mehr sakk mazan ent, taw maná cha johlánkián rakkéntag, cha mordagáni jaháná.

Zabur 89:48

Kojám ensán ent ke marka nagendit, kay cha kabray zórá rakketa kant? Ósht...

Luká 23:46

Issáyá borzén tawáréá chihál kasshet o gwasht: “Oo Pet! Man wati ruh o sáhá tai dastá dayán.” Gón hamé habará, sáhi dát.

Yuhanná 14:3

Bale angat man pa shomay jágahay tayár kanagá rawán o padá káyán o shomárá gón wata barán, tánke hamódá ke man án, shomá ham hamódá bebét.

Kásedáni Kár 7:59

Hamá wahdá ke Estipáná sengsár kanagá atant, Estipán dwá kanáná gwashagá at: “Oo Hodáwandén Issá! Pa mani nadrigén sáhay zuragá razámand bátay.”

Elhám 14:13

Gorhá man cha ásmáná tawáré eshkot, gwashagá at: “Nebeshtah kan: Mordag bahtáwar ant, hamá ke cha ed o rand Hodáwanday ráhá merant.” Pákén Ruh ham gwashit: “Haw, áyáni zahmatkasshia hallant o á áráma gerant, chéá ke áyáni kortagén kár áyáni hamráh ant.”

Elhám 5:9

Á nókén sawté janagá o gwashagá atant: “Taw tumáray zurag o eshiay mohráni pach kanagay láhek ay chéá ke taw helár kanag butagay o gón wati hóná pa Hodáyá cha har kabilah, zobán, kawm o rájá mardom pa bahá zortag.