Zabur 45:6 - Hodáay Pákén Ketáb Balochi zobáná

⁶ Oo Hodá! Tai bádsháhi taht modámi o abadmán ent, tai bádsháhi asá, adl o ensápay asá ent.

Zabur 45:6 ပူးပေါင်းရင်းမြစ်များ

Zabur 145:13

Tai bádsháhi abadi bádsháhié o tai hákemi nasláni nasl barjáha mánit.

Zabur 89:29

Tán abad áiay naslá barjáha dárán, áiay bádsháhiay tahtá ásmánay rócháni hesábá.

Zabur 93:2

Tai bádsháhi taht cha azal barjam ent o taw cha azal hastay.

Zabur 98:9

Hodáwanday bárgáhá sawt bejanátant, ke á pa zeminay dadrasiá kayt. Á jaháná pa adl dádrasia kant o kawmán pa ensáp.

Dányál 2:44

Á bádsháháni wahdá, ásmáni Hodá dega bádsháhié addha kant ke hechbar tabáha nabit o dega kawméay dastá ham dayaga nabit. É bádsháhi, á dega sajjahén bádsháhiána próshit o halása kant, bale wat tán abad barjama mánit.

Yuhanná 1:1

Cha azalá, Gál hastat. Gál gón Hodáyá gón at o Gál, Hodáay jend at.

Pa Timutáusá Pulosay awali kágad 3:16

Béshakk Hodádóstiá mazanén rázé mán: Á, ensánéay shekl o dróshomá záher but, Pákén Ruhá áiay rásti sábet kort, préshtagán á dist, kawmáni nyámá áiay jár janag but, donyáay tahá áiay sará imánesh áwort, á, porshawkatén arshá barag but.

Elhám 19:11

Man dist ke ásmánay dap pach ent o mani démá espétén asp o aspswáré. Aspswáray nám “Wapádár o Rást” at. Pa adl dádrasia kant o pa adl jang ham kant.