Zabur 40:17 - Hodáay Pákén Ketáb Balochi zobáná

¹⁷ Man garib o hájatmand án, Hodáwandá mani hayál gwar bát. Taw mani komak o rakkénók ay. Oo mani Hodá! Dér makan.

Zabur 40:17 ပူးပေါင်းရင်းမြစ်များ

Zabur 109:22

Chéá ke man nézgár o hájatmandé án o delon bátená thappig ent.

Zabur 34:4

Hodáwandon shóház kort o maná passawi dát, cha mani sajjahén torsán maná ázáti kort.

Zabur 34:6

É meskiná tawár per jat, Hodáwandá áiay tawár eshkot o cha sajjahén sakkián rakkénti.

Zabur 35:27

Á ke wáhagesh mani bémayári ent shádmán bátant o shádehiay gwánká borz kanátant, modám begwashátant: “Hodáwand mazan ent ke cha wati hezmatkáray salámatiá gala bit.”

Zabur 40:5

Oo Hodáwand, oo mani Hodá! Taw pa má bázén ajabén kár o shawré kortag, hechkas tai matth buta nakant. Agan belóthán tai káráni bárawá jár bejanán o habar bekanán, haminchok báz ant ke cha hesábá dar ant.

Zabur 54:4

Bale haw! Hodá mani komak kanók ent, Hodáwand mani zenday dárók ent.

Zabur 69:33

Hodáwand nyázmandáni dwáyán gósha dárit o wati bandigén mardomán bazzag o wára nakant.

Zabur 70:5

Bale man setam distagén mohtájé án. Oo Hodá! Dém pa man eshtáp kan, taw mani rakkénók o madatkár ay. Oo Hodáwand! Dér makan.

Zabur 86:1

Oo Hodáwand! Wati delgóshá gón man kan o maná passaw day, ke garib o mohtájé án.

Mattá 8:20

Issáyá gwasht: “Róbáhán hóndh o jágah hast o báli morgán kodóh o kodám, bale maná ke Ensánay Chokk án pa saray ér kanagá hecch jágah nést.”

Ákub 2:5

Oo dordánagán! Gósh dárét. Hodáyá é donyáay nézgárén mardom gechén nakortagant ke báwará hastómand bebant o hamá bádsháhiá mirás bebarant ke Hodáyá pa wati dóst dárókán labz o kawl kortag?

Petrosay Awal Kágad 2:23

Bell toré béezzat kanag but, bale angat ham hechkasi béezzat nakort. Tantaná wahdé sakki saggagá at, kassárá pádtrápi nadát. Áiá Hodáay sará tawkal kort ke tachkén ensáp o dádrasia kant.

Petrosay Awal Kágad 5:7

Wati sajjahén gam o paréshánián hamáiay sará yalah kanét, parchá ke áiá shomay hayál gwar ent.

Elhám 22:20

Hamá ke é chizzáni sháhediá dant, gwashit: “Haw, man zutt pédák án.” Anchosh bát. Ámin. Byá, oo Hodáwandén Issá!