Zabur 4:1 - Hodáay Pákén Ketáb Balochi zobáná

¹ Oo mani dádrasén Hodá! Passaw beday wahdé peryáta kanán. Sakki o sóriáni wahdá mani dast o bánzolet pach kortant. Maná mehr o rahmat baksh o dwáyánon gósh dár.

Zabur 4:1 ပူးပေါင်းရင်းမြစ်များ

Zabur 11:7

Hodáwand ádel ent, áiá adl o ensáp dósta bit, nékdel áiay démá gendant.

Zabur 116:16

Oo Hodáwand! Man tai hezmatkár án, haw, man tai hezmatkár án, tai móleday chokk, taw maná cha zamzilán ázát kortag.

Zabur 116:6

Hodáwand sádahdelén mardomána sambálit, man ke wár o zár atán, maná rakkénti.

Zabur 119:132

Démá gón man tarrén o mani sará rahm kan, anchosh ke taw modám gón wati námay dóst dárókána kanay.

Zabur 143:2

Wati hezmatkárá mayárig makan ke tai bárgáhá kass bémayár naent.

Zabur 17:6

Oo Hodá! Tará lóthán, chiá ke taw maná passawa dayay, gósh dár o habaránon beshkon.

Zabur 22:1

Oo mani Hodá, oo mani Hodá! Taw chiá maná tahná esht? Pa ché cha mani rakkénagá dur ay, cha mani áh o peryátán sakk jetá ay.

Zabur 24:5

Á cha Hodáwandá barkata gipt o cha wati rakkénókén Hodáyá, adl o ensáp.

Zabur 25:16

Wati démá gón man bekan o maná rahmat bebaksh, chiá ke man békas o setam distagéné án.

Zabur 31:8

Maná dozhmenáni dastá nadayay o mani pádán práh o sháygánén jágahé éra kanay.

Zabur 41:12

Cha mani tachki o rástiá, taw mani posht o panáh butagay o modám wati bárgáhá jágaha dayay.

Zabur 42:1

Áskay paymá ke pa kawray ápán zahirwár ent, hamé paymá, oo mani Hodá, mani arwáh tai zahirán ent.

Zabur 45:1

Delon cha zébáén gálán sarréch ent, shayré pa bádsháhá gwashán, zobán, zabardastén nebisókéay kalamay paymá ent.

Zabur 56:1

Oo Hodá! Mani sará rahm kan, ke dozhmen sakk mani randá ant, sajjahén róchá, mani sará orosha kanant.

Zabur 57:1

Mani sará rahm kan. Oo Hodá! Mani sará rahm kan, chiá ke mani arwáh tai mayár o báhóth ent. Tai bánzoláni sáhegá panáha zurán, tán hamá wahdá ke é baláh berawt o begwazit.

Zabur 6:1

Oo Hodáwand! Maná gón wati hezhmá hakkal maday o gón wati gazabá neherr.

Zabur 67:1

Hodá may sará mehrabán bát, márá barkat bedayát o wati démá pa má drapshán kanát, ósht...,

Zabur 76:1

Yahudiahá Hodá zánag o pajjáh áraga bit, Esráilá áiay nám mazan ent.