Zabur 39:6 - Hodáay Pákén Ketáb Balochi zobáná

⁶ Béshakk ensán chó sáhegéá chakkarit, béshakk ke á mopt o náhudagá tach o tága kant, mocch o ambára kant, bale nazánt ke kayá rasant.

Zabur 39:6 ပူးပေါင်းရင်းမြစ်များ

Zabur 127:2

Tai, sohbá máhallah pád áyag o shapá tán dérá ágah bayag békár ent. Zahmata kasshay ke tará pa waragá nán berasit, á ke Hodáyá dóst ant, agan wáb bebant ham Hodá é chizzán áyáná dant.

Zabur 144:4

Ensánay zend chó damkasshéá ent o róchi chó gwazókén sáhegéá.

Zabur 89:48

Kojám ensán ent ke marka nagendit, kay cha kabray zórá rakketa kant? Ósht...

Luká 12:26

Agan shomá inchokén kasánén káré korta nakanét, gorhá chéá zenday dega chizzáni bárawá pegra kanét?

Luká 12:29

Paméshká pa ward o warákay shóházá watá delsyáh makanét.

Ákub 4:14

Shomá haminchok ham nazánét ke bándá ché bit. Shomay zend chéé? Shomá báp o hormay paymá ét ke damánokéá gendaga bit o padá gára bit.

Ákub 5:3

Shomay zarr o simm zang geptagant o zangesh shomay helápá gwáhia dayant o ásay dhawlá shomay jesm o jánay góshtá warant, parchá ke é goddhi róchán, zarr o máló ambár kortag.

Petrosay Awal Kágad 1:24

Parchá ke: “Ensán chó káh o sabzagá ent o shán o shawkati chó káhay pollá. Káh o sabzaga merant o poll ham kapant.

Petrosay Awal Kágad 5:7

Wati sajjahén gam o paréshánián hamáiay sará yalah kanét, parchá ke áiá shomay hayál gwar ent.