Zabur 39:5 - Hodáay Pákén Ketáb Balochi zobáná

⁵ Taw mani zend bechilléay kaddá kortag, mani zendmánay sál, tai chammá hecch naant. Saddak án ke ensánay zend yak sáhé gésh naent.” Ósht...

Zabur 39:5 ပူးပေါင်းရင်းမြစ်များ

Pédáesh 47:9

Ákubá passaw dát: “Mani zenday mosáperiá sad o si sál ent. Mani omr mazan naent o mani sál pa sakki o sóri gwastagant. Cha mani pet o pirokáni mosáperiay sálán kamter ant.”

Zabur 144:4

Ensánay zend chó damkasshéá ent o róchi chó gwazókén sáhegéá.

Zabur 39:11

Taw pa hakkal ensáná cha gonáhá adaba dayay o áiay dósténán hamá paymá kanay ke raméz o waróka kant. Saddak án ke ensánay zend sáh o damé gésh naent. Ósht...

Zabur 62:9

Pa rásti ke ensán cha daméá géshter naent, bani ádam prébé, agan sháhémá tóresh bekanant hech naant. É sajjahén, yakjáh cha damé géshter naant.

Zabur 89:47

Hayálá bekap ke mani omray róch chón kamm ant, taw bani ádam nákárén chizzé jórh kortag.

Zabur 90:12

Gorhá márá é zántá beday ke may rócháni hesáb kamm ent, tán may del aglmand bebit.

Ákub 4:14

Shomá haminchok ham nazánét ke bándá ché bit. Shomay zend chéé? Shomá báp o hormay paymá ét ke damánokéá gendaga bit o padá gára bit.

Petrosay Domi Kágad 3:8

Bale, oo dordánagán! Cha é habará béhayál mabét ke pa Hodáwandá yakk róché, hazár sálay paymá ent o hazár sál, yakk róchéay paymá.