Zabur 37:34 - Hodáay Pákén Ketáb Balochi zobáná

³⁴ Hodáwanday wadárá bay o hamáiay ráhá bósht, ke tará pa molkay mirás baragá sarperáza kant, wata genday ke badkár chón goddhaga bant.

Zabur 37:34 ပူးပေါင်းရင်းမြစ်များ

Zabur 112:8

Áiay del mohr ent, natorsit, néth wati dozhmenáni shekastá gendit.

Zabur 112:9

Gón garib o nézgárán béhesáb bakshendah ent, áiay pahrézkári tán abad barjam ent. Áiay kánth pa sháné borz kanaga bit.

Zabur 25:13

Á wati róchán pa séri o azgária gwázénit, áiay chokk o óbádag zeminay mirás baróka bant.

Zabur 27:14

Hodáwanday wadárá bay, zórmand bay o delá dhaddh kan. Haw! Hodáwanday wadárá bay.

Zabur 37:3

Hodáay sará tawkal kan o nékiay ráhá ger, wati molká jahmenend bay o wapádáriay randgir.

Zabur 37:7

Hodáwanday bárgáhá árám bay o gón ópáré áiay wadárá. Áyáni sawabá jósh majan ke wati ráhá kámrán ant o áyáni sawabá ham ke palitén pandalán kára bandant.

Zabur 37:9

Chiá ke badkár goddhaga bant, bale á ke Hodáwanday wadárá ant molká mirása barant.

Zabur 91:8

Tahná gón wati chammáni shánk dayagá badkáráni sezáyána genday.

Zabur 92:12

Pahrézkár macchay paymá sabzant o Lobnánay gazzáni paymá rodant.

Mattá 24:13

Bale hamá ke tán áherá sakkiána saggit, á rakkit.

Luká 14:11

Chéá ke harkas watá mazana zánt o lékit, kamsharapa bit o harkas watá jahl o érdasta mannit, washnám o sharapdára bit.”

Petrosay Awal Kágad 1:7

É chakkás paméshká káyant ke shomay mohr o mohkamén báwar Issá Masihay záher bayagay wahdá satá kanag o sárháyag o ezzat dayag bebit. Shomay báwar cha zawál bayókén sohr o teláhá báz géshtera karzit, bell toré sohr cha ásá gwastag.

Petrosay Awal Kágad 5:6

Paméshká, Hodáay porwákén dastay chérá watá békebr o darbésh bekanét tánke á, wati gisshéntagén wahdá shomárá borz o sarperáz bekant.