Zabur 37:18 - Hodáay Pákén Ketáb Balochi zobáná

¹⁸ Hodáwand bégonáháni rócháni negahpán ent o mirásesh namirána bit.

Zabur 37:18 ပူးပေါင်းရင်းမြစ်များ

Zabur 1:6

Ke Hodáwand pahrézkáráni ráhay negahpán ent, bale badkáráni ráh tabáhi o bégwáhi ent.

Zabur 103:17

Bale Hodáwanday mehr, azal tán abad hamá mardománi hamráh ent ke áiay torsesh delá ent o áiay adl, esháni chokk o nomásagáni hamráh,

Zabur 16:11

Taw maná zenday ráhá sója dayay o wati bárgáhá maná cha shádmániá sarrécha kanay. Tai rástén kashá, wasshi abadmán ent.

Zabur 21:4

Áiá cha taw zend lóthet o taw bakshát, rócháni dráji, abad tán abad.

Zabur 31:15

Mani wahd o damán tai dastá ant, maná cha dozhmenán berakkén, cha hamáyán ke mani randá kaptagant.

Zabur 31:7

Tai mehrá gala bán o shádehia kanán, chiá ke taw mani syahróchi distagant o mani arwáhay sakkiáni némagá hayál gwar kortag.

Zabur 37:13

bale Hodáwand badkáray sará kandit, chiá ke zánt áiay rócha kayt.

Zabur 49:5

Baláh o sakkiáni róchán chiá betorsán, á wahdá ke rad dayókáni badi maná angerra kant?

Zabur 73:24

Gón wati sar o sóján maná rahshónia kanay o randá gón shán o shawkaté zuray.

Mattá 6:32

Donyáay sajjahén Hodánábáwarén mardom é chizzáni randá tachant, bale shomay ásmáni Peta zánt ke shomárá é chizz pakár ant.

Pulosay kágad pa Rumián 5:21

tánke, hamá paymá ke gonáhá cha markay ráhá bádsháhi kort, rahmat ham cha páki o palgáriá bádsháhi bekant o cha may Hodáwand Issá Masihay ráhá márá dém pa namiránén zendá bebárt.

Pulosay kágad pa Rumián 6:23

Parchá ke gonáhay mozz mark ent bale Hodáay bakshesh namiránén zend ent ke cha may Hodáwand Issá Masihay ráhá rasit.

Pa Timutáusá Pulosay domi kágad 2:19

Bale padá ham Hodáay sará báwarmand mohra óshtant, lógéay mohkamén bonyáday paymá. Hodáyá wati báwarmandáni sará é habar naksh kortag o mohr jatagant: “Hodáwand wati mardomán pajjáha kárit” o “Harkas ke Hodáwanday námá gipt, báyad ent watá cha badkáriá dur bedárit.”

Yuhannáay Awali Kágad 2:25

É hamá chizz ent ke hamáiá márá labz o wádah dátag, bezán namiránén zend.