Zabur 37:11 - Hodáay Pákén Ketáb Balochi zobáná

¹¹ Narmdel molká mirása barant o cha wasshén sohl o émeniá shádkámia kanant.

Zabur 37:11 ပူးပေါင်းရင်းမြစ်များ

Zabur 119:165

Hamá ke tai Sharyatá dósta dárant, sakk émen ant o áyán hecch chizz thagalénta nakant.

Zabur 25:13

Á wati róchán pa séri o azgária gwázénit, áiay chokk o óbádag zeminay mirás baróka bant.

Zabur 36:8

Á cha tai bárgáhay sarréchén nyámatán séra bant o cha wati lezzatáni kawrá áyán sérápa kanay.

Zabur 72:7

Áiay ahdá pahrézkár shádáb bátant, tán hamá wahdá ke máh nura dant ábádi bát.

Mattá 5:5

Bahtáwar ant hamá ke narmdel o mehrabán ant, chéá ke zeminay mirásdár hamá bant.

Yuhanná 14:27

Man shomárá émeni o ásudagia dayán. Wati émeni o ásudagiá shomárá dayán. Jaháná é wák o twán nést ke hamá émeniá shomárá bedant ke mania dayán. Matorsét o wati delá paréshán makanét.

Pa Pilipián Pulosay kágad 4:7

Nun gorhá hamá émeni ke cha Hodáyá rasit o cha sajjahén zánt o sarpadiá báláter ent, hamá émeni Issá Masihay barkatá shomay del o hayáláni páspána bit.

Pa Timutáusá Pulosay awali kágad 6:11

Bale taw, oo Timutáus, Hodái mardomé ay. Cha é chizzán watá dur bedár o pahrézkári, hodátorsi, imán, mehr, sabr o ópár o narmtabiay randá bekap.

Ákub 1:21

Paméshká har warhén paliti o sajjahén badián cha wat dur kanét o pa békebri o narmdeli, hamá gál o habarán delá bedárét ke shomay del o jáná nádénag butag o shomay rakkénagay wák o twáni hast.

Ákub 3:13

Shomay nyámá dáná o aglmand kay ent? Bellét eshiá cha wati sharkerdiá pésh bedárit, gón hamá békebri o mehrabániá ke cha hekmatá kayt.