Zabur 35:27 - Hodáay Pákén Ketáb Balochi zobáná

²⁷ Á ke wáhagesh mani bémayári ent shádmán bátant o shádehiay gwánká borz kanátant, modám begwashátant: “Hodáwand mazan ent ke cha wati hezmatkáray salámatiá gala bit.”

Zabur 35:27 ပူးပေါင်းရင်းမြစ်များ

Zabur 132:16

Man eshiay dini péshwáyán rakkagay pósháká gwará dayán o eshiay wapádárén mardom pa shádehi kukkára kanant.

Zabur 132:9

Tai dini péshwáyán pahrézkáriay póshák gwará bát o tai wapádárén hezmatkár shádehiay kukkár bekanátant.”’

Zabur 142:7

Maná cha kaydá dar kan ke tai námá benázénán. Gorhá pahrézkár mani chapp o chágerdá moccha bant ke taw pa man nékia kanay.

Zabur 147:11

Hodáwand hamáyáni sará wassha bit ke cha áiá torsant o sajjahén óst o ométesh gón áiay mehrá ent.

Zabur 149:4

Chéá ke Hodáwand cha wati kawmá washnód ent, á békebrán sóbmandiay tájá bakshit.

Zabur 32:11

Oo pahrézkárán! Hodáwanday bárgáhá shádehi kanét o shádán bebét. Oo sajjahén nékdelán! Shádehiay gwánká borz kanét.

Zabur 34:4

Hodáwandon shóház kort o maná passawi dát, cha mani sajjahén torsán maná ázáti kort.

Zabur 40:16

Bale á ke tai shóházá ant sajjahén tai bárgáhá shádehi kanát o gal o bál bátant, á ke tai rakkénókén madatesh dóst ent, modám begwashátant: “Hodáwand maz‌an ent.”

Zabur 40:17

Man garib o hájatmand án, Hodáwandá mani hayál gwar bát. Taw mani komak o rakkénók ay. Oo mani Hodá! Dér makan.

Zabur 68:3

Bale pahrézkár shádmán o Hodáay dargáhá gal o bál bátant o cha wasshiá shádehi kanátant.

Zabur 70:4

Bale á ke tai shóházá ant, sajjahén tai dargáhá shádehi kanát o gal o bál bátant, á ke tai dátagén nejátesh dósta bit, modám begwashátant: “Hodáwand mazanshán ent.”

Zabur 9:4

Chiá ke taw mani hakk o ensáp pa sharri dáshtag, wati tahtá neshtagay o pa ensáp dádrasi kortag.

Yuhanná 16:22

Shomá ham nun hamé dhawlá gamig ét, bale man shomárá padá gendán o á wahdi shomá gala bét o shomay wasshiá hechkas pach gepta nakant.

Pulosay kágad pa Rumián 12:15

Agan kasé shádehia kant gón áiá shádehi bekanét o agan kasé grét gón áiá begréwét.