Zabur 34:17 - Hodáay Pákén Ketáb Balochi zobáná

¹⁷ Wahdé pahrézkár peryáta kanant, Hodáwanda eshkont o áyán cha sajjahén sakkiána rakkénit.

Zabur 34:17 ပူးပေါင်းရင်းမြစ်များ

Zabur 109:15

Gonáhesh modám Hodáwanday chammáni démá bátant, Hodáwand áyáni yátá cha zeminá gár kanát.

Zabur 34:15

Hodáwanday chamm gón pahrézkárán ent o góshi ham pa áyáni peryátán pach.

Zabur 34:19

Pahrézkárá bázén sakki o sória rasit, bale Hodáwand áiá cha sajjahén sakkiána rakkénit.

Zabur 34:6

É meskiná tawár per jat, Hodáwandá áiay tawár eshkot o cha sajjahén sakkián rakkénti.

Zabur 5:7

Bale man cha tai mehrá tai lógá káyán o cha tai torsá tai parasteshgáhá kóndhána kapán.

Zabur 9:6

Dozhmen, dáemi wayránagáni tahá gár o gomsár butagant, áyáni shahráni risshag o wandhálet cha boná kasshetagant, tantaná áyáni yát ham gár o zawál butag.

Zabur 91:15

Á maná tawára kant o man passawia dayán, sakkián áiay hamráha bán, áiá nejáta dayán o ezzata bakshán.