Zabur 34:14 - Hodáay Pákén Ketáb Balochi zobáná

¹⁴ Cha badiá per tarr o néki kan, sohl o émeniay shóházá bebay o hameshiay randá bekap.

Zabur 34:14 ပူးပေါင်းရင်းမြစ်များ

Zabur 120:7

Sohl o émeni pasondén mardomé án bale har wahdá ke habaré kanán, é jangá páda káyant.

Zabur 37:27

Cha badiá démá chahr day o néki kan, gorhá tán abad molká jahmenenda bay.

Zabur 39:2

Chopp o bétawár bután, tantaná sharrén habaré ham nakorton, bale dard o andóhon géshter butant.

Mattá 5:9

Bahtáwar ant hamá ke sohl o émenia kárant, chéá ke á Hodáay chokk náménaga bant.

Kásedáni Kár 10:38

É kár hamesh at ke Hodáyá gón wati Pákén Ruh o zórá, Issá Náseriay sará rógen per mosht. É dhawlá á, har jáh ke shot, gón wati nékén kárán, á sajjahén mardom ke Shaytánay bandig atant dráhia kortant, chéá ke Hodá gón áiá gón at.

Pulosay kágad pa Rumián 12:18

Tán hamá haddá ke shomay dastá bit, gón harkasá pa sohl o árámi zend begwázénét.

Pulosay kágad pa Rumián 12:9

Shomay mehr báyad ent zagr o pa del bebit, cha badiá naprat bekanét o gón sharri o nékiá belecchét.

Pulosay kágad pa Rumián 14:17

Chéá ke Hodáay bádsháhi pa warag o nóshag naent, áiay bádsháhi, palgári o sohl o shádehi ent ke cha Pákén Ruhá rasit.

Pulosay kágad pa Rumián 14:19

Gorhá byáét modám hamá káráni pad o randá bebén ke dém pa sohl o árámi o yakdomiay rost o rodómá barant.

Pa Galátián Pulosay kágad 6:10

Gorhá tán hamá wahdá ke márá móh hast, byáét gón sajjahénán sharria kanén o hás gón hamáyán ke báwarmand ant.

Pa Tesálunikián Pulosay awali kágad 4:11

Wati sajjahén wasá bekanét ke pa hámóshi zend begwázénét o degaray kárá kár madárét. Wat kár o rózgár bekanét, anchó ke má shomárá hokm dátag.

Pa Timutáusá Pulosay domi kágad 2:19

Bale padá ham Hodáay sará báwarmand mohra óshtant, lógéay mohkamén bonyáday paymá. Hodáyá wati báwarmandáni sará é habar naksh kortag o mohr jatagant: “Hodáwand wati mardomán pajjáha kárit” o “Harkas ke Hodáwanday námá gipt, báyad ent watá cha badkáriá dur bedárit.”

Pa Titusá Pulosay kágad 2:14

Issá Masihá wati zend pa má nadr kort ke márá cha may sajjahén selkárián bemókit o pa wat kawmé pák o palgár bekant ke áiay jendayg bebit o é kawm pa sharrén káray kanagá hobbig o hodónák bebit.

Petrosay Awal Kágad 3:11

cha badiá per betarrit o néki bekant; sohl o émeni belóthit o hameshiay shóházá bebit.

Yuhannáay Saymi Kágad 1:11

Oo dordánag! Badiay randgiriá makan, nékiay randgiriá bekan. Harkas ke nékia kant cha Hodáay némagá ent, bale á ke badia kant Hodái nadistag.