Zabur 33:6 - Hodáay Pákén Ketáb Balochi zobáná

⁶ Gón Hodáwanday gál o habará ásmán addh butagant o áyáni sajjahén lashkar, gón áiay dapay damá.

Zabur 33:6 ပူးပေါင်းရင်းမြစ်များ

Pédáesh 1:1

Bongéjá, Hodáyá ásmán o zemin addh kortant.

Pédáesh 1:6

Hodáyá gwasht: “Ápáni nyámá kobbahé bebit ke ápá cha ápá jetá bekant.”

Pédáesh 2:1

É paymá ásmán o zemin o é sajjahén chizzáni jórh bayag sarjam but.

Pédáesh 2:7

Hodáwandén Hodáyá cha zeminay háká mardomé jórh kort, áiay pónzá zenday sáhi damet o é mardom sahdáré but.

Pédáesh 6:7

Gwashti: “Wati jórh kortagén ensáná cha zeminay sará gár o gomsára kanán. Mardomán, chárpádén haywánán, lápkasshén jánwarán o ásmánay báli morgán yakjáh gomsára kanán, chéá ke man cha esháni jórh kanagá padard án.”

Zabur 104:30

Wati ruhá ke déma dayay é addha bant. Zeminay sarborá nók o tázaga kanay.

Zabur 33:9

Chiá ke áiá gwasht o hamá chizz paym but, parmáni dát o barjáh dárag but.

Yuhanná 20:22

Cha é habará rand, Issáyá morid dam jatant o gwashti: “Pákén Ruhá bezurét o wati delá jágah bedayét!

Pulosay kágad pa Rumián 1:25

Áyán Hodáay hakk o rásti gón drógá sawdá kort o addh kanókén Hodáay badalá, addh kortagénáni parastesh o hezmatesha kort, hamá addh kanók ke tán abad satá o saná karzit. Anchosh ent, Ámin.

Petrosay Domi Kágad 3:5

É paymá pa zánt, wati chammán cha é rástiá banda kanant ke ásmán, Hodáay hokmay sará cha dérigén wahdán hastat o é zemin, cha ápá o ápay ráhá jórh butag o