Zabur 33:4 - Hodáay Pákén Ketáb Balochi zobáná

⁴ Chiá ke Hodáay habar tachk o rást ent o áiay sajjahén kár gón wapádáriá.

Zabur 33:4 ပူးပေါင်းရင်းမြစ်များ

Pédáesh 24:27

gwashti: “Hodáwandá satá bát, mani wájah Ebráhémay Hodáyá ke gón mani wájahá wati mehr o wapádárii barjáh dáshtag o dém pa mani wájahay syádáni lógay é sapará mani rahshón butag.”

Zabur 119:128

Tai sajjahén rahbandáni rástiá mannán, paméshká maná cha har radén ráhá naprat ent.

Zabur 119:75

Oo Hodáwand! Mana zánán ke tai hokm pa adl ant o taw cha wati wapádáriá maná mosibatáni tahá dawr dátag.

Zabur 12:6

Hodáwanday habar asil o béayb ant, nograhay paymá ke cha kurahá dar átkag o hapt randá pák o sallah kanag butag.

Zabur 19:8

Hodáwanday rahband rást ant o delá shádána kanant. Hodáwanday parmán pák ant o chammán rozhnága kanant.

Zabur 25:10

Hamá ke Hodáwanday ahd o paymánay sará óshtant, áiay sajjahén ráh pa áyán cha mehr o wapáyá sarréch ant.

Zabur 96:13

Hodáwandá benázénátant, chiá ke á kayt, haw, pa zeminay dadrasiá kayt. Jahánay dadrasiá pa adl o ensápa kant o kawmáni dadrasiá wati rásti o tachkiay hesábá.

Dányál 4:37

Nun mane Nebukadnezar ásmánáni bádsháhá satá kanán, sárháyán o sharapa dayán chéá ke áiay sajjahén kár rást ant o áiay ráh pa ensáp. Á, gorunákáni gardená jahl korta kant.”

Yuhanná 14:6

Issáyá gwasht: “Ráh man án, rásti man án o zend bakshók ham man án. Kass Petay kerrá sar buta nakant, agan mani ráhá marawt.

Pulosay kágad pa Rumián 7:12

Gorhá, Sharyat pák ent, hokmi ham pák o nék o ádel ent.

Pa Titusá Pulosay kágad 1:2

É zánt márá abadmánén zenday ométá dant o Hodá ke dróga nabandit, áiá ham cha azalá é abadmánén zenday wádah kortag.