Zabur 33:12 - Hodáay Pákén Ketáb Balochi zobáná

¹² Bahtáwar hamá kawm ent ke Hodáwand áiay Hodá ent, hamá mardom ke áiá pa wati mirásá gechén kortagant.

Zabur 33:12 ပူးပေါင်းရင်းမြစ်များ

Zabur 135:4

Chéá ke Hodáwandá Ákub pa wat gechén kortag, Esráil, ke pa áiá ganjé bebit.

Zabur 144:15

Bahtáwar hamá mardom ant ke hamé dhawlá bant, bahtáwar hamá ant ke Hodáwand áyáni Hodá ent.

Zabur 28:9

Wati mardomán berakkén o wati kawmá barkat beday, áyáni shopánk bay o tán abad wati kópagá bejallesh.

Zabur 65:4

Bahtáwar hamá ent ke tawi gechéna kanay o wati bárgáhá káray tánke hamódá jahmenend bebit. Cha tai dargáhay nékiá séráp bátén, cha tai parasteshgáhay pákiá.

Dargwaz 34:9

Gwashti: “Oo Hodáwand! Agan tai chammán maná kadr o ezzaté hast, gorhá tawe Hodáwand may hamráh bay. Bell toré é náparmán o watsarén kawmé, bale taw may radkári o gonáhán bebaksh o márá wati mirás kan.”

Yuhanná 15:16

Shomá maná gechén nakortag, man shomárá gechén kortag o dém dátag ke shomá berawét o bar o samar byárét, abadmánén bar o samar. Gorhá harché ke mani námay sará cha Petá belóthét, shomárá dant.

Pa Titusá Pulosay kágad 2:14

Issá Masihá wati zend pa má nadr kort ke márá cha may sajjahén selkárián bemókit o pa wat kawmé pák o palgár bekant ke áiay jendayg bebit o é kawm pa sharrén káray kanagá hobbig o hodónák bebit.

Petrosay Awal Kágad 2:9

Bale shomá Hodáay gechén kortagén bádsháhén ruhánién péshwá o pákén kawm ét, Hodáay jenday kawm ét o áiá shomárá cha taháriá dém pa wati porshawkatén rozhnáiá gwánk jatag tán áiay mazanén kárán jár bejanét.