Zabur 32:8 - Hodáay Pákén Ketáb Balochi zobáná

⁸ Hodáwanda gwashit: “Tará hamá ráhá sója dayán ke báyad ent beraway, tará shawr o saláha dayán o tará chárána bán.

Zabur 32:8 ပူးပေါင်းရင်းမြစ်များ

Pédáesh 24:48

wati saron jahl kort o Hodáwanday shogr gept. Man, Hodáwand wati wájah Ebráhémay Hodá satá kort ke maná rástén ráhi pésh dásht ke wati wájahay bacchay sángá gón wájahay brátay jenekká bekanáénán.

Zabur 143:8

Bámgwáhán tai mehray habará beshkonátán, ke man tai sará tawkal kortag, sój day ke kojám ráhá berawán, ke man wati zend tai dastá dátag.

Zabur 25:12

Kay ent hamá ke pa del Hodátors bebit? Hodáwand áiá hamá rástén ráhá sója dant ke báyad ent gechéni bekant.

Zabur 33:18

Haw! Hodáwanday chamm gón hamáyán ent ke cha áiá torsant, gón hamáyán ke óst o ométesh áiay mehr ent,

Zabur 34:11

Oo chokkán! Byáét o cha man beshkonét, man shomárá sabaka dayán ke Hodáwandá chón bemannét.

Mattá 11:29

Mani jogá baddhá kanét, cha man hél begerét, ke man narmdel o békebr án. Gorhá shomárá árám o ásudagia rasit.