Zabur 32:11 - Hodáay Pákén Ketáb Balochi zobáná

¹¹ Oo pahrézkárán! Hodáwanday bárgáhá shádehi kanét o shádán bebét. Oo sajjahén nékdelán! Shádehiay gwánká borz kanét.

Zabur 32:11 ပူးပေါင်းရင်းမြစ်များ

Zabur 125:4

Oo Hodáwand! Pa nékdelán néki kan pa hamáyán ke delesh rást o tachk ant.

Zabur 32:2

Bahtáwar hamá ent ke Hodáwand áiay gonáhá hechbar hesába nayárit o áiay arwáhá prébé mán nést.

Zabur 33:1

Oo pahrézkárán! Hodáwanday bárgáhá pa shádehi kukkár kanét, nékdelán, Hodáwanday satá kanag zéba dant.

Zabur 5:11

Bale á sajjahén ke tai báhóth o mayára bant, shádmáni bekanant, dáemá sáz o zémel bejanant. Áyán wati sáhegay chérá negahpáni bekan, tán harkas ke tai námay dóstdár ent gón tai námá shádán bebit.

Zabur 64:10

Pahrézkár Hodáwanday dargáhá shádehi kanát o áiay dargáhá panáh bezurát. Sajjahén nékdel pahr bekanátant.

Zabur 68:3

Bale pahrézkár shádmán o Hodáay dargáhá gal o bál bátant o cha wasshiá shádehi kanátant.

Zabur 7:10

Mani espar Hodá ent ke nékdelána rakkénit.

Zabur 97:1

Hodáwand bádsháhia kant, zemin shádehi bekanát o sajjahén tayábi sardhagár gal bátant.

Zabur 97:12

Oo pahrézkárán! Hodáwanday bárgáhá shádehi kanét o áiay pákén námá benázénét.

Zabur 98:4

Oo sajjahén zemin! Pa Hodáwandá shádmániay kukkárá borz kan. Kukkár kanét, pa shádehi sawt bejanét, benázénét.

Pulosay kágad pa Rumián 5:11

Bale na tahná pa haminchoká, má cha wati Hodáwand Issá Masihay ráhá Hodáay sará pahra bandén, hamá Issá ke áiay sawabá annun márá sohl o wassháni rasetag.

Pa Pilipián Pulosay kágad 3:1

Nun, oo mani brátán! Shádmáni bekanét ke shomá Hodáwandayg ét. Pa man é habaráni padá nebeshtah kanag hecch grán naent o é habar pa shomá émenia kárant.

Pa Pilipián Pulosay kágad 3:3

Chéá ke sonnat butagén má én. É má én ke Hodáyá cha áiay Pákén Ruhay barkatá parastesha kanén. Pa má pahr o sháné ke gón Issá Masihá hawár én o márá cha wati jesmá, bezán cha donyái chizzán omété nést,

Pa Pilipián Pulosay kágad 4:4

Modám shádmáni kanét ke shomá Hodáwandayg ét. Man padá gwashán, shádmáni kanét.