Zabur 31:15 - Hodáay Pákén Ketáb Balochi zobáná

¹⁵ Mani wahd o damán tai dastá ant, maná cha dozhmenán berakkén, cha hamáyán ke mani randá kaptagant.

Zabur 31:15 ပူးပေါင်းရင်းမြစ်များ

Zabur 116:15

Hodáay wapádáráni mark, Hodáwanday démá gránkadr ent.

Zabur 140:7

Oo Hodáwand, mani mohkamén Hodáwand o rakkénók! Jangay róchá taw mani saray negahpáni kort.

Zabur 142:6

Mani peryátá gósh dár ke man mazanén sakki o sórián kaptagán. Maná cha á mardomán berakkén ke mani randá kaptagant, chéá ke cha man zórákter ant.

Zabur 143:12

Wati mehray tahá mani dozhmenán tabáh kan, mani badwáhán gár o bégwáh kan, ke man tai hezmatkár án.

Zabur 143:3

Dozhmen mani randá kaptag, áiá maná zeminá dawr dátag, maná taháriá jahmenendi kortag kwahnén mordagáni paymá.

Zabur 143:9

Oo Hodáwand! Maná cha dozhmenán berakkén, man tai kerrá chéra bán.

Zabur 17:13

Oo Hodáwand! Jáh jan, esháni démá dar á o zeminá bejanesh, gón wati zahmá maná cha badkárán berakkén.

Zabur 25:2

Oo mani Hodá! Tai sará tawkala kanán, mayl ke pashal o sharmendag bebán o dozhmen mani sará báládast bebant.

Zabur 91:2

Hodáwanday bárawá gwashán: “Hamá mani panáh o kalát ent, mani Hodá, ke hamáiay sará tawkala kanán.”

Dargwaz 40:37

bale tánke jambar chesta nabut, á rahádaga nabutant. Tán jambaray chest bayagay róchá hamódá neshtant.

Luká 9:51

Wahdé Issáay chest bayag o ásmáná rawagay wahd nazzikk but, gorhá gón deljamén shawré dém pa Urshalimá ráh gept.

Yuhanná 12:27

Annun mani del paréshán ent, man ché begwashán? Bárén begwashán: ‘Oo mani Pet! Maná cha é damán o sáhatá berakkén’? Na, habar esh ent ke mani áyagay morád o maksad hamé damán o sáhat butag.

Yuhanná 13:1

Sargwazay Aidá yakk o do róch pasht kaptagat. Issáyá zánt ke hamá sáhat o damán átkag ke man é jaháná yalah bedayán o Petay kerrá berawán. Áiá wati mardom é jaháná dóst dáshtagatant o tán wati omray áheri damáná pa del dóstia dáshtant.

Yuhanná 17:1

Cha é habarán o rand, Issáyá dém pa ásmáná cháret o gwasht: “Oo Pet! Á wahd o sáhat átkag. Wati Chokkay shán o shawkatá záher kan ke Chokk tai shán o shawkatá záher bekant.

Yuhanná 7:30

Hamé wahdá áyán lóthet ke Issáyá dazgir bekanant, bale hechkasá áiay némagá dast nashahárt, parchá ke áiay wahd angat narasetagat.

Yuhanná 7:6

Issáyá gón áyán gwasht: “Mani wahd angat nayátkag, bale pa shomá har wahd sharr ent.

Kásedáni Kár 1:7

Passawi dát: “Á wahd o zamánag ke Petay dastá ant o áiá wat gisshéntagant, shomárá pa áyáni zánagá káré nést.

Kásedáni Kár 23:11

Hamá shapá Hodáwandén Issá Pulosay démá átk o óshtát. Gwashti: “Oo Pulos! Delá mazan kan, anchosh ke taw Urshalimay shahrá pa mani mestágá sháhedi dátag, hamé dhawlá Rumay shahrá ham tará sháhedi dayagi ent.”

Kásedáni Kár 27:24

gwashti: ‘Oo Pulos! Mators, taw báyad Kaysaray darbárá pésh kanag bebay, mán bójigá tai hamráh ham Hodáyá rakkéntagant.’

Pa Timutáusá Pulosay domi kágad 4:6

Nun gapp esh ent ke mani hón wa chónáhá réchagi korbánigéay paymá réchag bayagá ent o mani rawagay wahd átkag.

Petrosay Domi Kágad 1:14

chéá ke zánán kammén wahdéá rand é tambuá roksata kanán. Hodáwandén Issá Masihá maná cha é habará sahig kortag.