Zabur 29:11 - Hodáay Pákén Ketáb Balochi zobáná

¹¹ Hodáwand wati kawmá wák o kodrat bebakshát, Hodáwand wati kawmá gón sohl o émeni barkat bedayát.

Zabur 29:11 ပူးပေါင်းရင်းမြစ်များ

Zabur 138:3

Har wahdá ke tará gwánkon jatag taw maná passaw dátag, mani del mazan kortag o maná zór o wák bakshátag.

Zabur 37:11

Narmdel molká mirása barant o cha wasshén sohl o émeniá shádkámia kanant.

Zabur 68:35

Oo Hodá! Taw wati pákén jágahá bákamál ay, Esráilay Hodá wati kawmá zór o wáka bakshit. Hodáyá satá o saná bát.

Zabur 72:3

Kóh pa kawmá ábádi byárátant, jomp o tomp, pahrézkáriay samará.

Zabur 72:7

Áiay ahdá pahrézkár shádáb bátant, tán hamá wahdá ke máh nura dant ábádi bát.

Zabur 84:7

Cha mohrá mohrter bayána bant tán hamá wahdá ke Sahyuná Hodáay bárgáhá rasant.

Zabur 85:10

Mehr o wapádári yakdegará dochára kapant, adl o émeni yakdomiá chokkant.

Zabur 85:8

Har chizz ke Hodáwandén Hodá gwashit, man gósha dárán, chiá ke pa wati kawmá émeniay kawlá dant, pa wati wapádárán, chó mabit ke á ahmakiay ráhá per betarrant.

Yuhanná 14:27

Man shomárá émeni o ásudagia dayán. Wati émeni o ásudagiá shomárá dayán. Jaháná é wák o twán nést ke hamá émeniá shomárá bedant ke mania dayán. Matorsét o wati delá paréshán makanét.

Yuhanná 16:33

Man é chizz shomárá gwashtant ke mani barkatá shomárá émeni o ásudagi berasit. Jaháná shomárá dard o ranja rasit, bale delá dhaddh kanét, chéá ke man jahánay sará báládast butagán.”

Pulosay kágad pa Rumián 14:17

Chéá ke Hodáay bádsháhi pa warag o nóshag naent, áiay bádsháhi, palgári o sohl o shádehi ent ke cha Pákén Ruhá rasit.

Pa Tesálunikián Pulosay domi kágad 3:16

Émeniay Hodáwand wat, shomárá har wahdá o har paymá émen kanát. Hodáwand shomay sajjahénáni hamráh bát.

Pa Timutáusá Pulosay domi kágad 4:17

Bale Hodáwand mani kashá óshtát o maná zór o wáki dát, tánke man sarjamiá paygámay járá bejanán o sajjahén darkawm beshkonant. É paymá man cha shéray dapá rakketán.

Elhám 1:4

Cha Yuhannáay némagá, pa Ásiáay damagay haptén kelisáyán: Cha hamáiay jenday némagá ke hastent, hast butag o áyagi ent, cha hamá haptén ruháni némagá ke áiay bádsháhi tahtay démá ant o cha wapádárén sháhed Issá Masihay némagá shomárá rahmat o émeni sar bát. Issá Masih hamá awali ent ke cha mordagán zendag butag o donyáay bádsháháni hákem ent. Shán o shawkat o zór, abad tán abad hamáiá sar bát ke márá dósta dárit o gón wati hóná márá cha gonáhán ázáti kortag o dini péshwá o bádsháhié jórhi kortag ke áiay Hodáén Petay hezmatá bekanén. Anchosh bát. Ámin.