Zabur 27:11 - Hodáay Pákén Ketáb Balochi zobáná

¹¹ Oo Hodáwand! Wati ráhá maná sój day, dozhmenáni sawabá maná rást o tachkén ráhá rahshón bay.

Zabur 27:11 ပူးပေါင်းရင်းမြစ်များ

Zabur 119:10

Tará pa setk o del shóháza kanán, maná mayl ke tai hokmáni ráhá yalah bekanán.

Zabur 139:24

Agan cha mani káréá delranj ay maná péshi dár o karnigén ráhá maná rahshón bay.

Zabur 25:12

Kay ent hamá ke pa del Hodátors bebit? Hodáwand áiá hamá rástén ráhá sója dant ke báyad ent gechéni bekant.

Zabur 25:9

Békebr o darbéshén mardomán rástiay ráhá rahshónia dant, wati keshká áyán pésha dárit.

Zabur 26:12

Pádon tachk o sápén jágahé ér ent, mazanén diwánán Hodáwandá názénán.

Zabur 5:8

Oo Hodáwand! Pa mani dozhmenáni sawabá, gón wati adl o ensápá maná rahshóni beday o wati ráhá pa man sáp o tachk bekan.

Zabur 5:9

Chiá ke rásti áyáni zobáná nést o del o darunesh tabáhi ent o bass. Gotth o galuesh práhén kabré o wati zobáná pa cháplusi kára bandant.

Zabur 54:5

Mani dozhmenáni badi áyáni jenday chakká kapát, wati wapádáriay sawabá, áyán gár kan.

Zabur 64:6

Náensápiá dalil o honara kanant o gwashant: “Má tamán o kamálén shawré kortag.” Pa rásti ke ensánay del o hayál zánaga nabant.

Zabur 86:11

Wati ráhá maná sój day, oo Hodáwand, ke tai rástén ráhá berawán, mani delá sarjamá gón wat kan ke cha tai námá betorsán.

Luká 20:20

Gorhá Issáesh chammáni chérá kort, wati chárig o jásusesh rawán dátant tán watá Issáay démá tachk o pahrézkárén mardom pésh bedárant. Áyáni maksad esh at ke Issáyá cha áiay jenday habarán mán begisshénant o Rumay wáliay dastá bedayant.