Zabur 25:9 - Hodáay Pákén Ketáb Balochi zobáná

⁹ Békebr o darbéshén mardomán rástiay ráhá rahshónia dant, wati keshká áyán pésha dárit.

Zabur 25:9 ပူးပေါင်းရင်းမြစ်များ

Zabur 119:35

Wati hokmáni ráhá mani rahshón bay, ke mani wasshi hamesháni tahá ent.

Zabur 119:66

Maná zánt o sarpadi sój day ke man tai hokmáni sará tawkala kanán.

Zabur 143:10

Maná tálim beday ke tai razáay sará kár bekanán, chéá ke taw mani Hodá ay, tai nékén Ruh tachkén ráhá mani rahshón bát.

Zabur 147:6

Hodáwand békebrán komaka kant, bale badkárán zeminá dawra dant.

Zabur 149:4

Chéá ke Hodáwand cha wati kawmá washnód ent, á békebrán sóbmandiay tájá bakshit.

Zabur 22:26

Békebr o darbésh waráka warant o séra bant o á ke Hodáyá shóháza kanant áiá názénant. shomay del tán abad zendag bát.

Zabur 23:3

Mani arwáhá tázaga kant o pa wati námaygi pahrézkáriay ráhán maná démá bárt.

Zabur 27:11

Oo Hodáwand! Wati ráhá maná sój day, dozhmenáni sawabá maná rást o tachkén ráhá rahshón bay.

Zabur 73:24

Gón wati sar o sóján maná rahshónia kanay o randá gón shán o shawkaté zuray.

Mattá 5:5

Bahtáwar ant hamá ke narmdel o mehrabán ant, chéá ke zeminay mirásdár hamá bant.

Yuhanná 14:6

Issáyá gwasht: “Ráh man án, rásti man án o zend bakshók ham man án. Kass Petay kerrá sar buta nakant, agan mani ráhá marawt.

Kásedáni Kár 13:10

“Oo Shaytánay chokk! Taw ke cha makr o mandrá sarréch ay o har rástiay dozhmen ay, taw hechbar Hodáwanday rástén ráhay chapp o chóth kanagay kárá yalaha nakanay?

Kásedáni Kár 9:2

cha áiá lótheti pa Dameshkay shahray kanisaháni sarókán kágadé benebisit ke Sháulá é ehtiár bebit, agan áiá ódá “É Ráhay” har mannógeré dist, mardéné bebit yá janéné, bandig bekant o Urshalimá byárit.

Pa Galátián Pulosay kágad 5:23

narmtabi o dásht. Choshén chizzáni helápá hecch Sharyat o kánun nést.

Ákub 1:21

Paméshká har warhén paliti o sajjahén badián cha wat dur kanét o pa békebri o narmdeli, hamá gál o habarán delá bedárét ke shomay del o jáná nádénag butag o shomay rakkénagay wák o twáni hast.

Petrosay Awal Kágad 3:15

Bass, wati delá Masihá Hodáwand bemannét o hamáiá sharap bedayét. Agan kasé shomay ométay sawabay jostá bekant, modám pa passaw dayagá tayár bebét.

Petrosay Awal Kágad 3:4

Eshiay badalá, wati del o jabiná gón narm o árámén ruhéay páydárén zébáiá besingárét, ke pa Hodáyá é chizz báz porarzesh ent.