Zabur 25:5 - Hodáay Pákén Ketáb Balochi zobáná

⁵ Dém pa wati rástiá maná rahshón bay o sabak beday, chiá ke taw mani rakkénókén Hodá ay o sajjahén róchá tai entezár o wadárá án.

Zabur 25:5 ပူးပေါင်းရင်းမြစ်များ

Pédáesh 49:18

Oo Hodáwand! Wadárig án ke taw berakkénay.

Zabur 107:7

Áiá cha tachkén ráhéá rahshóni kortant, dém pa shahréá ke ódá jahmenend bebant.

Zabur 119:26

Man tará wati ráháni hál dát o taw maná passaw dát. Nun maná wati hokmán sój day.

Zabur 119:33

Oo Hodáwand! Wati hokmáni ráhá maná sój day, ke tán áherá bedáránesh.

Zabur 119:66

Maná zánt o sarpadi sój day ke man tai hokmáni sará tawkala kanán.

Zabur 119:97

Tai Sharyat maná chón dóst ent, sajjahén róchá hameshiay pegrá án.

Zabur 22:2

Oo mani Hodá! Sajjahén róchá peryáta kanán o taw passawé nadayay, sajjahén shapá ham, bale áráma nagerán.

Zabur 24:5

Á cha Hodáwandá barkata gipt o cha wati rakkénókén Hodáyá, adl o ensáp.

Zabur 25:10

Hamá ke Hodáwanday ahd o paymánay sará óshtant, áiay sajjahén ráh pa áyán cha mehr o wapáyá sarréch ant.

Zabur 25:8

Hodáwand nék o rást ent, paméshká gonahkárán ráhá sója dant.

Zabur 68:20

May Hodá rakkénókén Hodá ent, cha marká rakkénag Hodáwanday dastá ent, tahná Hodáwanday.

Zabur 79:9

Oo may rakkénókén Hodá! Márá madat kan, wati námay shán o shawkatay sawabá, pa wati námaygi márá berakkén o may gonáhán bebaksh.

Zabur 86:3

Oo Hodáwand! Mani sará rahm kan, ke sajjahén róchá tará tawára kanán.

Zabur 88:1

Oo Hodáwand! Oo mani rakkénókén Hodá! Shap o róch tai bárgáhá dwá o peryáta kanán.

Luká 18:7

Nun bárén Hodá gón wati gechén kortagénán, ke shap o róch gón áiá pa wati hakká peryáta kanant, hakka nakant? Pa áyáni hakrasiá déra kant?

Yuhanná 14:26

Bale shomay posht o panáh hamá Pákén Ruh ent ke Pet áiá mani námay sará déma dant. Pákén Ruh sajjahén chizzán shomárá sója dant o hamá sajjahén habar ke man gón shomá kortagant, shomárá áyáni yátá perrénit.

Yuhanná 16:13

Wahdé á kayt, bezán rástiay Ruh, shomárá dém pa sarjamén rástiá rahshónia kant, parchá ke á watsará heccha nagwashit, tahná hamá chizzána gwashit ke eshkontesh o shomárá démay háláni bárawá sarpada kant.

Yuhanná 6:45

Nabiáni Ketábán nebisag butag: ‘Sajjahén cha Hodáyá tálima gerant.’ Harkas ke Petay habarán beshkont o cha áiá tálim begipt, mani kerrá kayt.

Pulosay kágad pa Rumián 8:14

Á sajjahén mardom Hodáay chokk ant ke Hodáay Ruh áyáni rahshón ent.

Yuhannáay Awali Kágad 2:27

Bale shomá cha áiay némagá “rógen per moshag” butagét o é “per moshag” shomay delá mánit. Shomárá zalurat nést kasé shomárá dars o sabakk bedant, chéá ke cha Hodáay némagá, “rógen per moshag” wat shomárá sajjahén chizzán sabakka dant. É “rógen per moshag” rást ent o drógéné naent. Hamá paymá Hodáay arwáh o jabiná bemánét ke shomárá tálimi dátag.

Elhám 7:17

Chéá ke tahtay nyámá óshtátagén Gwarándh, esháni shepánka bit o eshán zendápay chammagáni ráhá pésha dárit o Hodá cha esháni chammán har arsá pahka kant.”