Zabur 25:2 - Hodáay Pákén Ketáb Balochi zobáná

² Oo mani Hodá! Tai sará tawkala kanán, mayl ke pashal o sharmendag bebán o dozhmen mani sará báládast bebant.

Zabur 25:2 ပူးပေါင်းရင်းမြစ်များ

Zabur 13:5

Bale tai mehray sará tawkala kanán, delon gal o bála bit ke taw maná rakkéntag.

Zabur 142:6

Mani peryátá gósh dár ke man mazanén sakki o sórián kaptagán. Maná cha á mardomán berakkén ke mani randá kaptagant, chéá ke cha man zórákter ant.

Zabur 18:2

Hodáwand mani talár ent, mani kalát o mani rakkénók ent, mani Hodá mani talár ent o hamáiay poshtá báhóth o mayára bán. Á mani espar ent, mani zórákén rakkénók o mani sangar.

Zabur 22:1

Oo mani Hodá, oo mani Hodá! Taw chiá maná tahná esht? Pa ché cha mani rakkénagá dur ay, cha mani áh o peryátán sakk jetá ay.

Zabur 22:5

Tai dargáhá peryátesh kort o rakketant, tai sará tawkalesh kort o pashal o sharmendag nabutant.

Zabur 22:8

“Angat wati óst o ométá pa Hodáyá band, bell á tará berakkénit, berakkénit agan tará dósta dárit.”

Zabur 31:1

Oo Hodáwand! Tai mayár o báhóth butagán, hechbar mayl ke sharmendag bebán, wati adl o ensápay tahá maná neját beday.

Zabur 31:15

Mani wahd o damán tai dastá ant, maná cha dozhmenán berakkén, cha hamáyán ke mani randá kaptagant.

Zabur 31:2

Wati delgóshá gón man bedár o maná zutt berakkén. Pa man panáhay taláré bay o pa mani rakkénagá mohrén kaláté.

Zabur 34:8

Bechashét o bechárét ke Hodáwand nék ent, bahtáwar hamá ent ke áiay mayár o báhótha bit.

Zabur 37:40

Hodáwand áyán madata dant o rakkénit, cha badkáráni dastá rakkénit o nejáta dant, chiá ke áiay mayár o báhóth ant.

Zabur 41:11

Cha eshiá zánán ke cha man washnód ay, ke dozhmen mani sará báládast nabutagant.

Zabur 56:1

Oo Hodá! Mani sará rahm kan, ke dozhmen sakk mani randá ant, sajjahén róchá, mani sará orosha kanant.

Zabur 7:1

Oo Hodáwand, mani Hodá! Tai báhóth o mayára bán. Maná cha á sajjahénán ke mani randá kaptagant berakkén.

Zabur 71:1

Oo Hodáwand! Man tai mayár o báhóth án, maná sharmsár makan.

Zabur 91:2

Hodáwanday bárawá gwashán: “Hamá mani panáh o kalát ent, mani Hodá, ke hamáiay sará tawkala kanán.”

Zabur 94:3

Tán kadén, oo Hodáwand! Badkár tán kadén sarzór bebant?

Pulosay kágad pa Rumián 10:11

Chéá ke Pákén Ketába gwashit: “Harkas áiay sará báwar bekant hechbar sharmendaga nabit.”

Pulosay kágad pa Rumián 5:5

Omét márá delprósh bayagá naylit, chéá ke Hodáay mehr may delá ér réchag butag, cha hamá Pákén Ruhay ráhá ke márá bakshag butag.

Petrosay Awal Kágad 2:6

É hamá habar ent ke Hodáay Pákén ketábá átkag: “Bechárét, man Sahyuná sengé éra kanán. É seng bébahá o gechénién bonheshté. Á kas ke eshiay sará báwar bekant, hechbar pashal o sharmendaga nabit.”