Zabur 22:8 - Hodáay Pákén Ketáb Balochi zobáná

⁸ “Angat wati óst o ométá pa Hodáyá band, bell á tará berakkénit, berakkénit agan tará dósta dárit.”

Zabur 22:8 ပူးပေါင်းရင်းမြစ်များ

Zabur 109:25

Bohtám janókáni kalági án, maná ke gendant, sará chandhénant.

Zabur 18:19

Áiá maná práh o émenén jágahé áwort o maná rakkénti, chiá ke cha man báz wassh o razá at.

Zabur 37:5

Wati zendmánay ráhá Hodáwanday sepordag kan o áiay sará tawkal, ke kársáz hamá ent.

Zabur 42:10

Dozhmenáni shegánán, mani haddh hurt kortagant, chiá ke sajjahén róchá maná gwashant: “Tai Hodá kojá ent?”

Zabur 55:22

Wati paréshánián pa Hodáyá bell, ke á tai dárók ent, á hechbar pahrézkárán kapagá naylit.

Zabur 71:11

Gwashant: “Hodáyá yalah kortag, berawén begeréni, kassia narakkénit.”

Zabur 91:14

Hodáwanda gwashit: “Á ke maná dósta dárit áiá nejáta dayán o hamáiay posht o panáha bán ke mani námá zánt.

Mattá 12:18

É mani hezmatkár ent ke man gechén kortag, maná sakk dóst ent o man cha eshiá báz wassh o razá án, man wati Ruhá eshiay sará éra géján, darkawmáni nyámá é hezmatkár mani ensáp o dádrasiay járá perrénit.

Mattá 17:5

Hamé wahdá ke angat á habará at, drapshókén jambaréá áyáni sará sáheg kort o cha jambará tawáré átk o gwashti: “É mani dóstén Bacch ent, cha eshiá man báz wassh o razá án, eshiay habarán gósh bedárét.”

Mattá 3:17

Cha ásmáná tawáré átk: “É mani dóstén Bacch ent o man cha eshiá báz wassh o razá án.”

Luká 23:35

Mardom pa sayl o nedáragá óshtátagatant o sarókáni diwánay básk rishkand kanáná, gwashagá atant ke “Eshiá, á dega rakkéntant, bale agan Masih ent o Hodáay hamá gechén kortagén, nun gorhá watá berakkénit.”