Zabur 22:5 - Hodáay Pákén Ketáb Balochi zobáná

⁵ Tai dargáhá peryátesh kort o rakketant, tai sará tawkalesh kort o pashal o sharmendag nabutant.

Zabur 22:5 ပူးပေါင်းရင်းမြစ်များ

Zabur 106:44

Bale wahdé ke áyáni peryáti eshkot, disti ke chón paréshán ant,

Zabur 31:1

Oo Hodáwand! Tai mayár o báhóth butagán, hechbar mayl ke sharmendag bebán, wati adl o ensápay tahá maná neját beday.

Zabur 71:1

Oo Hodáwand! Man tai mayár o báhóth án, maná sharmsár makan.

Dányál 3:28

Nebukadnezará gwasht: “Shadrak, Mishak o Abednegóay Hodáyá satá o saná bát ke áiá wati préshtagé dém dátag o wati hezmatkár rakkéntagant. Eshán wati Hodáay sará báwar o bésah at o mani hokmesh namannet. Cha wati zendá sar gwastant, bale wati jenday Hodáyá abéd, dega hodáay hezmat o sojdahá razá nabutant.

Pulosay kágad pa Rumián 10:11

Chéá ke Pákén Ketába gwashit: “Harkas áiay sará báwar bekant hechbar sharmendaga nabit.”

Pulosay kágad pa Rumián 9:33

Anchosh ke nebeshtah ent: “Man Sahyuná sengé éra kanán ke mardomána thagalénit, taláré ke áyán dawra dant, harkas ke áiay sará báwar bekant pashal o sharmendaga nabit.”

Petrosay Awal Kágad 2:6

É hamá habar ent ke Hodáay Pákén ketábá átkag: “Bechárét, man Sahyuná sengé éra kanán. É seng bébahá o gechénién bonheshté. Á kas ke eshiay sará báwar bekant, hechbar pashal o sharmendaga nabit.”