Zabur 19:7 - Hodáay Pákén Ketáb Balochi zobáná

⁷ Hodáwanday Sharyat tamán o béayb ent o jesm o jáná bóda kárit. Hodáwanday hokm porehtebár ant o kamzántán dáná o aglmand kant.

Zabur 19:7 ပူးပေါင်းရင်းမြစ်များ

Zabur 111:7

Áiay dastáni kár rást o pa adl ant o sajjahén rahbandi porehtebár.

Zabur 119:105

Tai habar pa mani pádán cherágé o pa mani ráhá rozhné.

Zabur 119:111

Tai parmán modám mani mirás ant, mani delay shádmáni ant.

Zabur 119:130

Tai habaray bayán kanag rozhna bakshit o násarpadán sarpadia dant.

Zabur 119:14

Cha tai parmánáni mannagá anchó shádána bán ke cha mazanén ganjéá.

Zabur 119:152

Man sakk dér ent zántag, taw wati parmán barjam dáshtagant ke abadi bebant.

Zabur 119:24

Tai parmán mani shádmáni ant, pa man sój o saláh ant.

Zabur 119:72

Cha tai dapá dar átkagén Sharyat pa man cha hazárán teláh o nograhá sharter ent.

Zabur 119:9

Warnáén mardomé chón wati ráhá pák dáshta kant? Gón tai habaray randgiriá.

Zabur 18:30

Haw! Hodá, áiay ráh tamán o kámelén ráhé, Hodáay habar béayb ant, pa harkasá ke áiay gwará panáha zurit, esparé.

Zabur 23:3

Mani arwáhá tázaga kant o pa wati námaygi pahrézkáriay ráhán maná démá bárt.

Zabur 93:5

Oo Hodáwand! Tai hokm modám barjáha mánant, tai bádsháhi pák o palgár ent, modám, tán abad.

Yuhanná 5:39

Shomá Pákén Ketábán patth o póla kanét o wánét, chéá ke shomay hayálá esháni tahá shomárá abadmánén zenda rasit. Hamé Pákén Ketáb mani bárawá gwáhia dayant,

Kásedáni Kár 10:43

Sajjahén paygambar, Issáay bárawá gwáhia dayant, harkas áiay sará imán byárit, gonáhi áiay námá bakshaga bant.”

Pulosay kágad pa Rumián 12:2

Gón é donyáyá hamrang o hamdróshom mabét, cha wati pegr o pahmay nók kanagay ráhá badal bebét, tán shomá bezánét o gisshént bekanét ke Hodáay wáhag ché ent, kojám chizz sharr, kámel o Hodáyá pasond ent.

Pulosay kágad pa Rumián 15:4

Har chizzé ke pésará nebisag butag, pa may tálimá butag, tán gón Pákén Ketábay bakshetagén sabr o delbaddhiá márá omét berasit.

Pulosay kágad pa Rumián 3:2

Har paymá ke bechárén, esháni páedag báz ent. Awali gapp esh ent ke Hodáyá wati habar Yahudiáni sepordah kortag.

Pa Timutáusá Pulosay domi kágad 1:8

Gorhá may Hodáwanday bárawá sháhedi dayagá lajj makan. Mani hálatay sará ham sharmendag mabay ke man pa Hodáwandaygi bandig án. Man pa wasshén mestágá é sakki o sórián ke bardásht kanagá án, tawesh ham gón Hodáay bakshátagén zórá bardásht kan.

Pa Timutáusá Pulosay domi kágad 2:19

Bale padá ham Hodáay sará báwarmand mohra óshtant, lógéay mohkamén bonyáday paymá. Hodáyá wati báwarmandáni sará é habar naksh kortag o mohr jatagant: “Hodáwand wati mardomán pajjáha kárit” o “Harkas ke Hodáwanday námá gipt, báyad ent watá cha badkáriá dur bedárit.”

Ákub 1:17

Har nékén dád o har tamánén tohpah o théki cha borzá kayt, cha nur o rozhnay Petay némagá ke hechbar badala nabit o hecch tahári o sáhegéá áiay arwáh o jabiná ráh nést.

Elhám 19:10

Nun man áiay pádáni démá sojdah kanagá kaptán, bale maná gwashti: “Chó makan, man ham tai o tai brátáni dhawlén hezmatkáré án ke Issáay sháhediá dayant. Hodáyá parastesh kan. Issáay bárawá sháhedi dayag paygambariay jawhar ent.”