Zabur 18:9 - Hodáay Pákén Ketáb Balochi zobáná

⁹ Ásmáni ér áwort o jahl átk, syáhén jambar áiay pádáni chérá at.

Zabur 18:9 ပူးပေါင်းရင်းမြစ်များ

Zabur 50:3

May Hodá kayt o bétawára nabit, ér barókén ásé démá enti o trondén gwát o lurhé chágerdá.

Zabur 68:4

Pa Hodáyá sawt bejanét o áiay námá názénét, pa áiá ke jambarán swár ent satá o sanáay tawárá borz kanét. Áiay nám Hodáwand ent, áiay bárgáhá shádehi kanét.

Zabur 97:3

Ás áiay démá rawán ent o cha har némagá áiay dozhmenán éra bárt.

Dargwaz 19:18

Sináay kóh duttéá mán póshetagat, chéá ke Hodáwand áséay tahá kóhay sará ér átkagat o é ásay dutt chó kurahay duttá chest atant o sarjamén kóh sakk larzagá at.

Mattá 24:29

Á rócháni sakki o sórián o rand, yakk anágat róch tahára bit, máha nadrapshit o máhekánia nabit, estár ham cha ásmáná kapant o ásmáni zór o wák, larzénaga bant.

Markás 15:33

Némróchá beger tán bégáhay sayá, sajjahén molk anágat tahár but.

Yuhanná 13:7

Issáyá passaw tarrént: “Annun taw nazánay man ché kanagá án, randá sarpada bay.”

Petrosay Domi Kágad 3:10

Bale Hodáwanday róch allamá kayt. Chosh ke dozzé anágata kayt o sajjahénán jáha serrénit. Á róchá ásmán gón torsnákén tawár o bustagé gár o bégwáha bit, estár o máh o róch o harché ke ásmáná hast, ásá kapit o ápa bit o zemin o harché ke zeminá hast sochit o pora bit.

Elhám 20:11

Randá man baláhén espétén tahté dist o hamá ham ke tahtay sará neshtagat. Zemin o ásmán cha áiay démá tatkant o pa zemin o ásmáná hecch jágahé pasht nakapt.