Zabur 18:27 - Hodáay Pákén Ketáb Balochi zobáná

²⁷ Chiá ke taw békebrána rakkénay, bale porkebr o gorunákán chamjahla kanay.

Zabur 18:27 ပူးပေါင်းရင်းမြစ်များ

Zabur 10:4

Badkár mán wati kebr o gorunákiá gwashit: “Hodá dar gétka nakant”, áiay sajjahén pegr o hayál esh ent ke “Hodáé nést”.

Zabur 101:5

Gár o gomsára kanán hamáiá ke wati hamsáhegay báposhtá habara kant. Hech porkebrén chamm o gorunákén deléay ópárá nakanán.

Zabur 17:10

Á wati sengén delán mohra kanant o áyáni zobán porkebr o gorunákén habara kant.

Zabur 17:13

Oo Hodáwand! Jáh jan, esháni démá dar á o zeminá bejanesh, gón wati zahmá maná cha badkárán berakkén.

Zabur 34:19

Pahrézkárá bázén sakki o sória rasit, bale Hodáwand áiá cha sajjahén sakkiána rakkénit.

Zabur 34:6

É meskiná tawár per jat, Hodáwandá áiay tawár eshkot o cha sajjahén sakkián rakkénti.

Zabur 40:17

Man garib o hájatmand án, Hodáwandá mani hayál gwar bát. Taw mani komak o rakkénók ay. Oo mani Hodá! Dér makan.

Zabur 9:18

Bale hájatmand harwahd shamóshaga nabant o zolm distagénáni omét tán abad barbáda nabit.

Luká 18:14

Nun man shomárá gwashán: Parisi na, bale hamá máliátgir nék o pahrézkár but o lógá shot, chéá ke harkas watá mazana zánt o lékit, kamsharapa bit o harkas watá jahl o érdasta mannit, washnám o sharapdára bit.”

Ákub 2:5

Oo dordánagán! Gósh dárét. Hodáyá é donyáay nézgárén mardom gechén nakortagant ke báwará hastómand bebant o hamá bádsháhiá mirás bebarant ke Hodáyá pa wati dóst dárókán labz o kawl kortag?