Zabur 18:2 - Hodáay Pákén Ketáb Balochi zobáná

² Hodáwand mani talár ent, mani kalát o mani rakkénók ent, mani Hodá mani talár ent o hamáiay poshtá báhóth o mayára bán. Á mani espar ent, mani zórákén rakkénók o mani sangar.

Zabur 18:2 ပူးပေါင်းရင်းမြစ်များ

Zabur 116:1

Maná Hodáwand dóst ent ke mani tawári gósh dáshtag, mani peryát o záriay tawár o

Zabur 132:17

Man edá pa Dáudá kánthé ródénán o pa wati “rógen per moshtagéná” cherágé róka kanán.

Zabur 144:2

Hamá mani mehr kanókén Hodá o kalát ent, mani sangar ent o mani rakkénók, mani espar, ke áiay mayára bán, ke mani kawmá mani chérdasta kant.

Zabur 19:14

Oo Hodáwand! Mani dapay habar o delay pegr o hayál tai delá benendátant, taw ke mani talár o posht o panáh ay.

Zabur 28:1

Oo Hodáwand, oo mani talár! Tará tawára kanán, cha man nádelgósh mabay. Agan taw bétawár bebay, hamáyáni paymá bán ke kall o kabrá kapant.

Zabur 59:11

Oo Hodáwand ke may espar ay! Áyán makosh, chosh mabit ke mani kawm beshamóshit. Gón wati zórákiá eshán sargardán kan o ér byár.

Zabur 62:2

Mani talár o mani rakkénók tahná hamá ent, mani kalát ent, hechbara nalarzán.

Zabur 62:7

Mani neját o ezzat gón Hodáyá ent, hamá mani mohrén talár ent, mani panáhgáh ent.

Zabur 75:10

“Sajjahén badkáráni kánthána próshán, bale pahrézkáráni kánth borz dáraga bant.”

Zabur 91:2

Hodáwanday bárawá gwashán: “Hamá mani panáh o kalát ent, mani Hodá, ke hamáiay sará tawkala kanán.”

Zabur 91:4

Á tará gón wati poth o bálán póshénit o áiay bánzoláni chérá panáha bay, áiay wapádári espar o diwálé.

Dargwaz 15:2

Hodáwand mani zór o wák o mani názénk ent. Hodáwand pa man nejáté but. Mani Hodá ent, mana názénáni. Mani petay Hodá ent o man áiá satá o saná kanán.