Zabur 17:14 - Hodáay Pákén Ketáb Balochi zobáná

¹⁴ Hodáwandá! Maná cha é paymén mardománi dastá ázát kan, cha é donyáay mardomán ke nasibesh tahná hamé donyá ent o bass, ke lápánesh cha wati hazánagá séra kanay, chokkesh báza bant o áyáni pasht kaptagén chizz pa chokkánesha rasit.

Zabur 17:14 ပူးပေါင်းရင်းမြစ်များ

Zabur 39:6

Béshakk ensán chó sáhegéá chakkarit, béshakk ke á mopt o náhudagá tach o tága kant, mocch o ambára kant, bale nazánt ke kayá rasant.

Zabur 73:12

Haw, badkár chosh ant, modám ásudag ant o mál o melkatesh démá rawán ent.

Mattá 13:44

“Ásmáni bádsháhi, hamá ganj o hazánagay paymá ent ke dhagáréá chér dayag butag. Wahdé anágat kaséá dar gétk, áiá chéra dant o padá pa gal o shádehia rawt o wati sajjahén mál o maddhiá bahá kant o hamá dhagárá pa bahá zurit.

Luká 16:25

Bale Ebráhémá passaw dát: ‘Oo mani bacch! Hayálá bekap ke taw wati zendá sharrén chizzáni wájah butagay o Ilázará wati róch pa bazzagi gwázéntagant. Bale á nun edá ásudag ent o taw azábán talwasagá ay.

Luká 16:8

Wáhondá wati locch o dozzén hesábdár shábásh gwasht, ke áiá é kár, gón aglmandi kortagat. Chéá ke é wahday chokk gón wati zamánagay mardomán donyái gir o dáráni dar baragá, cha Nuray chokkán bezán Hodái mardomán ákelter ant.

Yuhanná 15:19

Agan shomá é donyái mardom buténét, donyáyá shomárá watigáni dhawlá dóst dáshtagat. Bale shomá donyái mardom naét o man shomárá cha é donyáyá dar chetag, paméshká donyá cha shomá naprata kant.

Yuhanná 17:14

Man tai habar esháná sar kort. Anchosh ke man donyái mardomé naán, é ham donyái mardom naant, paméshká donyá cha eshán naprata kant.

Yuhanná 8:23

Issáyá gón áyán gwasht: “Shomá cha é jahli jaháná ét o man cha borzi jaháná. Shomá cha é donyáyá ét o man cha é donyáyá naán.

Ákub 5:5

Shomá zeminay sará pa aysh o nósh o hawá o hawas zend gwázéntag. Watá pa koshagay róchá sharr sáthetag o pazzóró kortag.