Zabur 16:1 - Hodáay Pákén Ketáb Balochi zobáná

¹ Oo Hodá! Maná pa sharri bedár, ke tai mayár o báhóth butagán.

Zabur 16:1 ပူးပေါင်းရင်းမြစ်များ

Zabur 116:6

Hodáwand sádahdelén mardomána sambálit, man ke wár o zár atán, maná rakkénti.

Zabur 125:1

Á ke Hodáwanday sará tawkala kanant Sahyunay kóhay paymá ant ke sorénaga nabit o tán abad barjáh mánit.

Zabur 146:5

Bahtáwar hamá ent Ákubay Hodá áiay komakk ent, hamá ke ométi wati Hodáwandén Hodáay sará ent,

Zabur 17:5

Mani pádáni pad tai ráhá naksh ant, pádon nalarzetagant.

Zabur 17:8

Maná chó wati chammá besambál o wati bánzoláni sáhegá chér beday,

Zabur 22:8

“Angat wati óst o ométá pa Hodáyá band, bell á tará berakkénit, berakkénit agan tará dósta dárit.”

Zabur 25:20

Mani zendá bepahréz o berakkén, mayl ke sharmendag bebán, chiá ke tai báhóth o mayár án.

Zabur 31:23

Oo Hodáwanday sajjahén dóstdárán! Áiá dóst bedárét, Hodáwand wati wapádáráni negahpániá kant, bale gorunákénán báz sezá dant.

Zabur 37:28

Chiá ke Hodáwandá adl dóst ent o wati dóstdárán yalaha nakant. Hodáwand tán abad pahrézkáráni posht o panáh ent, bale badkáráni nasl goddhaga bit.

Zabur 56:1

Oo Hodá! Mani sará rahm kan, ke dozhmen sakk mani randá ant, sajjahén róchá, mani sará orosha kanant.

Zabur 60:1

Oo Hodá! Taw márá yalah kortag o may sangar próshtagant, hezhmnák butagay, bale nun gón má wasshán bay.

Zabur 7:1

Oo Hodáwand, mani Hodá! Tai báhóth o mayára bán. Maná cha á sajjahénán ke mani randá kaptagant berakkén.

Zabur 7:2

Agan na, á maná shéráni paymá derrant, chondh chondha kanant o maná rakkénóké nabit.

Zabur 84:12

Oo lashkaráni Hodáwand! Bahtáwar ent hamá ke tai sará tawkala kant.

Zabur 9:10

Á ke tai námá zánant tai sará tawkala kanant chiá ke taw, oo Hodáwand, wati hodónákén lóthók yalah nakortagant.

Zabur 97:10

Shomá ke Hodáwandá dósta dárét, cha badiá naprat kanét, chiá ke á Hodádóstáni zenday negahpán ent o áyán cha badkáráni dastá nejáta dant.

Pa Timutáusá Pulosay domi kágad 1:12

Man paméshká sakki o sóri saggagá án, bale sharmendag naán chéá ke zánán man kai sará imán áwortag o deljam án ke áiá é wák o twán hast ke tán wati áyagay róchá hamá amánatay negahpániá bekant ke maná dátagi.