Zabur 15:3 - Hodáay Pákén Ketáb Balochi zobáná

³ hamá ke gón wati zobáná kaséay báposhtá habaré magwashit, pa hamsáhegá badi makant o hamráhán ér majant,

Zabur 15:3 ပူးပေါင်းရင်းမြစ်များ

Mattá 7:12

Paméshká, har kárá gón degarán hamá dhawlá néki bekanét ke lóthét á dega ham gón shomá bekanant. Sharyat o nabiáni gapp o habar hamesh ent.

Pulosay kágad pa Rumián 1:30

bohtám janók, hodábézár, béadab, gorunák, bathák janók, badkerdiay jorhénók, pet o mátay náparmán,

Pulosay kágad pa Rumián 12:17

Gón kassá badiay badalá badi makanét. Gón hamá kárán delgósh bebét ke harkasay chammán sharr ant.

Pulosay kágad pa Rumián 13:10

Mehr gón hamsáhegá badia nakant. Paméshká mehr kanag, Sharyatay sarjami ent.

Pa Titusá Pulosay kágad 3:2

Hechkasá bohtám majanét o gón mardomán arh o korh makanét, báyad narmdel bebét o gón sajjahén mardomán pa békebri pésh byáét.

Ákub 4:11

Oo brátán! Yakdomiá ér majanét o badgói makanét. Harkas ke wati brátá bad begwashit o áiá mayárbár bekant, rást esh ent ke áiá Sharyat bad gwashtag o mayárig kortag. Agan taw Sharyatay dádrasiá kanay, gorhá Sharyatay sará kár kanagá naay, Sharyatay helápá shawr borragá ay.

Yuhannáay Saymi Kágad 1:11

Oo dordánag! Badiay randgiriá makan, nékiay randgiriá bekan. Harkas ke nékia kant cha Hodáay némagá ent, bale á ke badia kant Hodái nadistag.