Zabur 146:6 - Hodáay Pákén Ketáb Balochi zobáná

⁶ hamáiay sará ke zemin o ásmánay jórh kanók ent o daryá o har ché ke daryáyá hast, hamáiay sará ke tán abad wapádár ent,

Zabur 146:6 ပူးပေါင်းရင်းမြစ်များ

Pédáesh 1:1

Bongéjá, Hodáyá ásmán o zemin addh kortant.

Zabur 100:5

ke Hodáwand nék ent o mehri abadmán, áiay wapádári nasláni nasl barjáha mánit.

Zabur 115:15

Hodáwand shomárá barkat dayát, zemin o ásmánay addh kanók.

Zabur 117:2

ke Hodáwanday mehr pa má sakk báz ent o áiay wapádári abadmán. Hodáwandá benázénét, Halléluyá.

Zabur 33:6

Gón Hodáwanday gál o habará ásmán addh butagant o áyáni sajjahén lashkar, gón áiay dapay damá.

Zabur 89:2

Man gwasht ke “tai mehr abadmán ent o taw wati wapádári, ásmáná káhem kortag.”

Zabur 89:33

bale áiay dóst dáragá bassa nakanán o gón áiá wati kortagén kawlá napróshán.

Zabur 95:5

Daryá Hodáwandayg ent ke wat addhi kortag, hoshkén zemin ham hamáiay dastán jórh kortag.

Zabur 98:3

Áiá pa Esráilay óbádagán wati mehr o wapa yátá áwortag, zeminay sajjahén goddhi hadd o simsarán, may Hodáay dátagén neját distag.

Dargwaz 20:11

Chéá ke Hodáwandá shash róchá ásmán, zemin, daryá o harché ke esháni tahá hast, addh kortant o haptomi róchá árámi kort, paméshká Hodáwandá Shabbatay róch barkat dátag o gechéni o pákén róché jórh kortag.

Dányál 9:4

Man wati Hodáwandén Hodáay kerrá dwá kort, gonáh mannetant o gwasht: “Oo Hodáwand! Oo mazan o bákamálén Hodá! Taw hamá Hodá ay ke wati ahd o karárá puraha kanay o gón hamáyán mehra kanay ke tará dósta dárant o tai parmánána mannant.

Yuhanná 1:3

Hodáyá sajjahén chizz cha Gálay wasilahá jórh kortant o cha é jórh butagénán, bé Gálá hecch chizzé jórh nabut.

Yuhanná 10:34

Issáyá gwasht: “Shomay Sharyatá é paymá nebisag nabutag: Mane Hodá gwashán ke shomá hodá ét?

Kásedáni Kár 14:15

Gwashtesh: “Oo mardomán! Shomá ché kanagá ét? Má shomay dhawlén baniádam én o bass. Átkagén shomárá é mestágá bedayén ke é haráb o náhudagén kárán yalah bekanét o barhakk o namiránén Hodáay keshká begerét. Áiá ásmán, zemin, daryá o harché ke áyáni tahá hastent, addh kortagant.

Pa Titusá Pulosay kágad 1:2

É zánt márá abadmánén zenday ométá dant o Hodá ke dróga nabandit, áiá ham cha azalá é abadmánén zenday wádah kortag.

Elhám 14:7

Gón borzén tawáréá gwashti: “Hodáay bimmá delá bedárét o áiá shán o shawkat bedayét chéá ke áiay dádrasiay sáhat átkag o rasetag. Hamáiá parastesh bekanét ke ásmán o zemin, daryá o ápi chammagi jórh kortagant.”