Zabur 146:4 - Hodáay Pákén Ketáb Balochi zobáná

⁴ Arwáhesh ke dara kayt, zeminá pera tarrant o hamá róchá áyáni sajjahén shawr o hayál gár o zawála bant.

Zabur 146:4 ပူးပေါင်းရင်းမြစ်များ

Pédáesh 2:7

Hodáwandén Hodáyá cha zeminay háká mardomé jórh kort, áiay pónzá zenday sáhi damet o é mardom sahdáré but.

Pédáesh 3:19

Gón hédén péshánigé wati naganá waray tán hamá wahdá ke háká pera tarray, chéá ke cha hameshiá zurag butagay. Taw háké ay o padá háká pera tarray.”

Pédáesh 6:17

Man donyáyá anchén hár o tuppáné kárán ke ásmánay chéray sajjahén sahdára merant, har sahdár ke dama kasshit, bérána bit. Harché ke zeminay sará hast, sajjahéna merant.

Zabur 104:29

Taw ke wati démá chéra dayay, é paréshána bant o sarsara janant, esháni sáhá ke pacha geray merant o háká pera tarrant.

Zabur 33:10

Hodáwand, kawmáni shawrbandián pacha réchit o rájáni kársáziána karójit.

Zabur 90:3

Ensáná padá hákay chérá baray o gwashay: “Oo ensánay chokk! Háká per tarr.”

Dányál 5:23

Taw watárá ásmáni Hodáwanday démá borz zánt o léket o hokmet kort ke Hodáay lógay darp tai démá árag bebant. Taw o tai mir o mehterán, tai janán o soriatán é darpáni tahá sharáb wárt o taw nograh, teláh, brenj, ásen, dár o sengén hodá satá kortant ke na gendant, na eshkonant o na sarpada bant. Bale taw hamá Hodá shán o shawkat nadát ke tai sáh o tai sajjahén ráh áiay dastá ant.