Zabur 145:17 - Hodáay Pákén Ketáb Balochi zobáná

¹⁷ Hodáwand wati hamok ráhá ádel ent, wati sajjahén kárán wapádár.

Zabur 145:17 ပူးပေါင်းရင်းမြစ်များ

Pédáesh 18:25

Cha tai dastá choshén káré mabát ke pahrézkárá gón badkárá hór bekoshay o pahrézkár o badkárá yakkén chammá becháray. Sajjahén jahánay dádras pa hakk o ensáp kára nakant?”

Zabur 103:6

Hodáwand adl o ensápa kant o pa sajjahén setam distagénán dádrasi.

Zabur 112:4

Pa nékdelán mán tahárókiá ham rozhna drapshénit, á mehrabán, rahm kanók o ádel ent.

Zabur 116:5

Hodáwand mehrabán o ádel ent, may Hodá, cha mehr o rahmá sarréch.

Zabur 50:6

Ásmán áiay adl o rástiá jára janant, chiá ke Hodá wat dádras ent. Ósht...

Zabur 89:14

Adl o ensáp tai bádsháhiay bonyád ant, mehr o wapádári tai hamráhiá, démá gám janán ant.

Zabur 97:2

Jambar o tahári áiay chapp o chágerdá ant, adl o ensáp, áiay tahtay bonhesht o bonyád ant.

Elhám 19:11

Man dist ke ásmánay dap pach ent o mani démá espétén asp o aspswáré. Aspswáray nám “Wapádár o Rást” at. Pa adl dádrasia kant o pa adl jang ham kant.

Elhám 19:2

chéá ke áiay dádrasi rást o pa adl ant. Áiá hamá mazanén kahbag sezá dátag ke zemini gón wati zenahkárián gomráh kortagat. Hodáyá cha áiá wati hezmatkáráni hónay bér geptag.”

Elhám 4:8

Cha é chárén sahdárán har yakkéá shash bánzol o har némagá chamm per at, bánzoláni chérá ham. É hecch bassa nakanant o shap o róch gwashagá ant: “Pák ent, pák ent, pák ent, porwákén Hodáwandén Hodá pák ent, hamá ke hast butag, hastent o áyagi ent.”