Zabur 145:10 - Hodáay Pákén Ketáb Balochi zobáná

¹⁰ Oo Hodáwand! Tai dastay hamok kár tai shográ gipt, tai wapádár tará názénant.

Zabur 145:10 ပူးပေါင်းရင်းမြစ်များ

Zabur 103:22

Oo Hodáwanday sajjahén jórh kortagénán, har jágah ke áiay bádsháhi barjáh ent! Hodáwandá benázénét. Oo mani arwáh! Hodáwandá benázén.

Zabur 104:24

Oo Hodáwand! Tai kár chinkadar báz ant, taw, é sajjahén pa hekmat addh kortagant, zemin cha tai jórh kortagénán porr ent.

Zabur 149:5

Áiay wapádár gón é pahrá shádehi bekanát o wati gandaláni tahá shádehiay sawt bejanátant.

Zabur 19:1

Ásmán Hodáwanday shán o mazaniá paddara kant, borzén arsh áiay dastay kárán.

Zabur 22:23

Shomá, oo Hodátorsán! Áiá benázénét. Oo Ákubay sajjahén chokk o óbádagán! Áiá ezzat o shán bedayét. Oo Esráilay padréchán! Áiay haybatá bechárét.

Zabur 30:4

Oo Hodáwanday dóstdárán! Pa Hodáwandá názénk bejanét, áiay pák o palgárén námay shográ begerét.

Zabur 30:5

Chiá ke hezhmi damáné o mehr o rahmati omray drájiá. Bit ke sajjahén shapé pa gréwag begwazit, bale bámgwáhá shádehi wati chehragá záhera kant.

Zabur 32:11

Oo pahrézkárán! Hodáwanday bárgáhá shádehi kanét o shádán bebét. Oo sajjahén nékdelán! Shádehiay gwánká borz kanét.

Zabur 57:9

Oo Hodáwand! Tará kawmáni nyámá satá kanán o pa taigi kabilaháni nyámá sawta janán.

Zabur 68:26

Hodáyá mán mazanén diwánán benázénét. Oo Esráilay óbádagán! Hodáwandá benázénét.

Zabur 69:35

Chiá ke Hodá Sahyuná nejáta dant o Yahudáay shahrán nóksará addha kant. Kawm ódá jahmenenda bit o molkay hakkén wáresa bit.

Zabur 97:12

Oo pahrézkárán! Hodáwanday bárgáhá shádehi kanét o áiay pákén námá benázénét.

Petrosay Awal Kágad 2:5

Nun shomá zendagén sengáni paymá pa ruhánién lógéay bandagá kár bandag bebét, pák o palgártagén ruhánién péshwá ham bebét o anchén ruhánién korbánig bedayét ke cha Issá Masihay wasilahá Hodáyá washnóda kanant.

Petrosay Awal Kágad 2:9

Bale shomá Hodáay gechén kortagén bádsháhén ruhánién péshwá o pákén kawm ét, Hodáay jenday kawm ét o áiá shomárá cha taháriá dém pa wati porshawkatén rozhnáiá gwánk jatag tán áiay mazanén kárán jár bejanét.