Zabur 143:8 - Hodáay Pákén Ketáb Balochi zobáná

⁸ Bámgwáhán tai mehray habará beshkonátán, ke man tai sará tawkal kortag, sój day ke kojám ráhá berawán, ke man wati zend tai dastá dátag.

Zabur 143:8 ပူးပေါင်းရင်းမြစ်များ

Zabur 119:34

Maná agl o hósh beday ke man tai Sharyatay páband bebán o pa del o setk eshiay randgiriá bekanán.

Zabur 119:73

Maná tai dastán addh kort o shekl o dróshom dát, maná agl o hósh beday ke tai hokmán sarpad bebán.

Zabur 143:10

Maná tálim beday ke tai razáay sará kár bekanán, chéá ke taw mani Hodá ay, tai nékén Ruh tachkén ráhá mani rahshón bát.

Zabur 25:20

Mani zendá bepahréz o berakkén, mayl ke sharmendag bebán, chiá ke tai báhóth o mayár án.

Zabur 27:11

Oo Hodáwand! Wati ráhá maná sój day, dozhmenáni sawabá maná rást o tachkén ráhá rahshón bay.

Zabur 30:5

Chiá ke hezhmi damáné o mehr o rahmati omray drájiá. Bit ke sajjahén shapé pa gréwag begwazit, bale bámgwáhá shádehi wati chehragá záhera kant.

Zabur 32:8

Hodáwanda gwashit: “Tará hamá ráhá sója dayán ke báyad ent beraway, tará shawr o saláha dayán o tará chárána bán.

Zabur 42:8

Róchá, Hodáwand wati mehrá déma dant o shapá sawt o zémeli gón man ent, dwáé dém pa wati zend bakshókén Hodáyá.

Zabur 46:5

Hodá shahray nyámá ent o shahra nasorit, bámgwáhá Hodá madatia kant.

Zabur 5:8

Oo Hodáwand! Pa mani dozhmenáni sawabá, gón wati adl o ensápá maná rahshóni beday o wati ráhá pa man sáp o tachk bekan.

Zabur 59:16

Bale man tai kodratay tawsipá sawt o sáza janán, sohbá tai mehray satáyá sawta janán o shádehia kanán, chiá ke taw mani borzén kalát ay o sakkiáni wahdá mani panáhgáh.

Zabur 86:4

Wati hezmatkáray delá shádmán kan, oo Hodáwand, ke man cha taw dwá lóthán.

Zabur 90:14

Bámgwáhán, márá gón wati mehrá sér kan, tánke sajjahén omrá sawt bejanén o shádehi bekanén.