Zabur 140:7 - Hodáay Pákén Ketáb Balochi zobáná

⁷ Oo Hodáwand, mani mohkamén Hodáwand o rakkénók! Jangay róchá taw mani saray negahpáni kort.

Zabur 140:7 ပူးပေါင်းရင်းမြစ်များ

Zabur 144:10

pa hamáiá ke bádsháhán sóbéna kant o wati hezmatkárén Dáudá rakkénit, cha koshókén zahmá.

Zabur 18:35

Taw wati sóbén bayagay espará maná bakshay o rástén dastet mani posht o panáh ent, tai narmdeli o békebri maná mazania dant.

Zabur 27:1

Hodáwand mani rozhn o rakkénók ent, cha kayá betorsán? Hodáwand mani zenday kalát ent, cha kayá bimmé bebit?

Zabur 31:15

Mani wahd o damán tai dastá ant, maná cha dozhmenán berakkén, cha hamáyán ke mani randá kaptagant.

Zabur 59:17

Oo mani wák o twán! Tará názénán. Hodá mani borzén kalát ent, mani Hodá ke gón man mehra kant.

Zabur 62:2

Mani talár o mani rakkénók tahná hamá ent, mani kalát ent, hechbara nalarzán.

Zabur 62:7

Mani neját o ezzat gón Hodáyá ent, hamá mani mohrén talár ent, mani panáhgáh ent.

Zabur 89:26

Á maná gwánka jant o gwashit: ‘Taw mani Pet ay, mani Hodá o mani nejátay talár.’

Zabur 95:1

Byáét Hodáwandá pa galé názénén, pa wati nejátay talárá pa shádehi kukkára kanén.