Zabur 140:10 - Hodáay Pákén Ketáb Balochi zobáná

¹⁰ Rókén eshkaresh sará berechát, ásá dawr dayag bátant o pujgelén kaddhán boddhátant o hechbar dar átk makanátant.

Zabur 140:10 ပူးပေါင်းရင်းမြစ်များ

Pédáesh 19:24

Gorhá Hodáwandá Sodum o Gomurahay sará ás o gókort gwárént. É ás o gókort cha Hodáwanday némagá, cha ásmáná retkant.

Zabur 11:6

Badkáráni sará angar o gókorta gwárénit, áyáni jám o pyálahay bahr, sóchák o lewárén gwát ent.

Zabur 120:4

Tará gón jangóláni tézén tir o gón rókén eshkarán sezá dant.

Zabur 21:9

Á wahdi ke záhera bay áyán porácheshén tarunéay paymá kanay. Hodáwand wati hezhmay tahá áyán éra bárt o áiay áchesh áyána wárt.

Zabur 55:23

Bale taw, oo Hodá, badkárán johlterén kallá dawra dayay, hónwár o prébkárén mardom wati rócháni némá ham zendaga namánant, bale man tai sará tawkala kanán.

Zabur 64:9

Sajjahén bani ádama torsant, Hodáay kárá jára janant o áiay kárá pa hósh o sára chárant.

Zabur 7:17

Hodáwandá pa áiay adl o ensápá shogra gerán, borzén arshay Hodáwanday námá názénán.

Mattá 13:42

Áyán ásay kurahá dawra dayant ke ódá gréwag o dantán pa dantán droshaga bit.

Mattá 13:50

Badkárán ásay kurahá dawra dayant ke ódá gréwag o dantán pa dantán droshaga bit.

Elhám 20:15

Agan kaséay nám “Zenday Ketábay” tahá nebeshtah naat, á, ásay gwarmá dawr dayag but.

Elhám 21:8

Bale lagór o nábáwar o hamá ke bazzhnák ant, hónig o zenahkár o jáduger o botparast o sajjahén drógband, esháni ásar esh ent ke ásay gwarmá gón ás o gókortá sóchag bebant. É domi mark ent.”